[وائل 76]

السلام على من إتبع الهدى !!

للأسف صرنا نفوت أخوية بناء على دعوات لمشاركة بمواضيع معينة ,, يمكن السبب بيرجع للوضع يلي عم نمر فيه بفلسطين و بسبب تاني مهم هو المستوى يلي وصلت إله أخوية و ما عاد الواحد مهتم كتير انو يفوت و يشارك متل زمان ,, الله يرحمها من أيام و يمسيك بالخير يا كريم و يا أبو نهلا !

بدون ما خوض بالتفاصيل , بدي أحكي بس عن موقفين صاروا معي هون بالفترة الأخيرة .

الموقف الأول مع إمرأة من ورق و التاني مع هاني الداغر .

موضوع كان مطروح بالصالون و كل واحد عم يعبر عن وجهة نظروا , كان الحديث عن حرب المفروض تخوضها الدول العربية في مواجهة اسرائيل ,, قرأت ردود لشباب بيقلك يا عمي مين الحمار ابن الحمار يلي قال انو في شي اسمو أمة او قومية عربية !!!! مش لانو بنحكي لغة وحدة معناه انو نحنا امة وحدة !! و كتير من الاراء الغبية يلي ما فاهمها راسها من رجليها لا تاريخياً ولا سياسياً ولا شي ,, يومها كنت عم بقرأ تقرير و دراسة أعدها رئيس شعبة الدراسات الاستراتيجية في الموساد الاسرائيلي , عن ترتيبات حرب مع سوريا في الصيف هذا , و كانت الدراسة عم يتشاوروا فيها في الكنيست تمهيداً لطرحها للمستوى السياسي ... اسف حكيت كتير بس حتى تعرفوا سبب مشاركتي الوسخة من وجهة نظر امراة من ورق . !!

فتت يومها و قرأت كلام الشباب انو ما في امة ولا قومية عربية .. كتبت يومها فعلاً كلامكم صح و نحنا مجرد عبيد و جواري لبني إسرائيل وفق منظورهم التلمودي .. يا شباب جهزوا الريش حتى تقعدوا تهوا لأسيادكم بني إسرائيل بما انكم راح تكونوا عبيد و يا بنات جهزوا بدل الرقص لانو راح تكون وظيفتكم هي الرقص و الن***** بما انكم جواري لبني اسرائيل ,,, و كفيت باقي مشاركتي .

إمرأة من ورق أعطت لنفسها حق حذف مشاركتي حفاظاً على أخلاق الشعب !!!! كتبت مشاركة انو مين حذف و كتبت شوية كلام و بالآخر كتبت إي****** بديمقراطيتكم !!!

بالليل كان هاني الداغر معي على مسنجر و مستاء جداً و حكينا شوي و اخدت تنبيه بـ 14 زعلة ,, بالنسبة إلي التنبيه و غير التنبيه متلو متل يلي بلبسه برجلي , يعني ما كتير هاي التنبيهات بتأثر على وجهة نظري في التعامل مع الآخرين ,,, إحترام الآخر هوي يلي بيفرض علي إني إحترموا !!


بعد هاي المقدمة الطويلة على يلي صار معي راح احكي بوجهة نظري الشخصية عن الموضوع ..

المشرفين بلا إستثناء من وجهة نظري لا يفقهون شيئ في مفهوم الحرية ,, جميعهم ينطلق في تعاملة مع الآخرين من وجهة نظره الشخصية يلي شكلتها أيديولوجيته يلي بيحملها ,, يعني ما يتوافق مع ما يحمله من وجهة نظر بيكون صحيح و ما لا يتوافق مع ما يحمله من وجهة نظر فهو غير صحيح !!

النقطة الأساسية بكل هاي القصة هي أنو هون في قانون بيحكمنا جميعاً مشرفين و أعضاء ,, ما يتوافق مع هذا القانون يلي كلنا إنتسبنا لأخوية بناء على رضائنا فيه فهو صحيح ,, وما لا يتوافق فهو باطل و لا يمثل شيئ , بل هو إنتهاك لحريتنا و لمعتقداتنا .

بكتير مواضيع إنبحتوا الشباب و أكثرهم من المشرفين في المساس بعقديتنا المسلمين هون و وقت طالبنا انو اخجلوا و احترموا وجودنا ,, قلوا انو حرية ,,, أهلين حرية خانوم ,, في قانون يا متحررين بيحكمنا انا و انتا , إحترم القانون ما عم طالك تحترمني لانو كل إحترامك ما بيساوي عندي فردة الصرمة يلي بلبسها برجلي ,, إحترم القانون بتفرض علي اني أحترم القانون و بنعيش كلنا هون بحرية ,, بنعبر عن وجهة نظرنا بطريقة مؤدبة تحفظ للجميع حقوقه .

لكن أنو حدا فيكم يا مشرفين يعتقد أنو هو من يفرض قانونه الخاص و وجهة نظره الشخصية على الآخرين كبديل للقانون يلي بيحكمنا جميعاً فهو واهم و مخطئ .. بدكم الناس هون تحترم حالها و تكتب بأدب علمونا أنتو الاحترام و إحترموا القانون و كونوا قدوة إلنا حتى نتعامل متلكم ...

ما تيجي يا إمراة من ورق تقولي تحذفي ردي لأنو مكتوب فيه ني**** و احد الأعضاء حاطط صورة شبين عم يتي**** بعض ّ!!!! هو حر يعيش حياته كيف بيريد و يشكل هويته الجنسية كيف بيريد بس هون لازم يحترم الموجودين و ما يحط صورة قذرة بهاد الشكل و إلا فلكل منا أن يتعامل كما يشاء !!


عزيزتي مايا / مع إحترامي لكل حرف كتبتيه و إحترامي لرد مسطول عليكي .. لكن أنتي مو متابعة متل زمان و ما بتعرفي شو عم بيصير هون ... ببساطة فوتي على البريد و شوفي هناك شو في بعدها بتفهمي ليش الكل معصب و مستاء .

كلنا معك بكل حرف عم تحكيه و مع انو تكون هون بيئة نضيفة محترمة قائمة على الحرية بمفهومها الحقيقي يلي كلنا بنفتقده و عم نبحث عنو ,, هذا المفهوم يلي بدنا ياه مو مفهوم الحرية يلي بيحملها عقل المشرفين المتحيز و الخائب !!




بالنهاية ما بدي طول كتير بالحكي بس كلمة أخيرة بوجهها لكل واحد عم يعطي نفسوا الحق بأنو يقول لفلان أنتا غلط و أنتا صح متل الزميلة مورننج يلي قامت بمحاول قبل هالمرة و نزلت موضوع وقفة منشان أخوية ,,, ما عم نقول أنو أنتي غلط مورننج لانو بنعرف شو الهدف لكن الوسيلة غلط ,, بدك وقفة لأجل أخوية طالبي مورننج بتطبيق القانون على الجميع ,, ما تيجي تحطي موضوع ابجديات الإقصاء و تعترضي عليه و بنفس الوقت في موضوع نكات الملحدين عم يتمسخروا على ديني و ربي !!! بدهم يتمسخوا لهم ذلك و لي أيضاً أن أتعامل بما أراه مناسباً !!!


سلام