اقتباس:
كاتب النص الأصلي : GOVERMENT
|
فكرتك وصلت عيوني
بس الظاهر فكرتي اللي ماوصلت
هلأ اول شي مابدنا ناخد الحرية من حدا.... بس حريتك وحريتي وحرية اي شخص بتوقف لما بيكون فيها اسائة لاشخاص تانيين
الصالون بالاصل هوي قسم للحوار والنقاش.... مو المفروض يكون متشدد جدا انا معك بهي وهي نحنا مابدنا نعملها..... بس كمان مو المفروض انو يتحول بس لحوارات جانبية خارجة تماما عن الموضوع
يعني متل ماقلت انو يفوت احد الاعضاء ويمزح مزحة او يحكي شي تعليق خارج الموضوع وبعدها يرجع الموضوع لسياقه الاصلي مانها مشكلة ابدا
بس المشكلة لما بيصير في مزحة من هالنوع او تعليق من هالنوع وبيتحول الموضوع لتعليقات على هي النقطة وبينتسى الموضوع الاساسي وهون فيها اسائة مباشرة لصاحب الموضوع وفكرته
والموضوع اللي انت حطيتو اكبر مثل على هالشي يعني بسبب تعليق واحد انحرف الموضوع عن النقاش اللي هوي عذرية الشاب وتحول لقصص تانية ماالها علاقة ابدا بالاضافة لالفاظ بتخدش الحياء وهالشي منع كتير اعضاء وانا منون انو يفوتو ويكتبو رأيون قبل مايصير الحذف..... وهالشي زعج محمد ابراهيم صاحب الموضوع وهوي عبر عن انزعاجه لما قال انو الموضوع خرج من ايده
بقى حريتك بالصالون بتضل ضمن عدم اخراج الموضوع عن سياقه باي شكل
واذا حابين التشات عندك قسم خاص للتشات واذا حابين المزح والتنكيت في قسم عالطاير يعني مانكن ممنوعين من شي ابدا بس كلشي حلو بمكانه الصحيح وبدون التسبب بازعاج للآخرين
هلأ يمكن عم يصير تشدد زيادة وعم يتم حذف كتير بس لانو للاسف بهالفترة مافي حد وسط من قبل الاعضاء يعني انتو اللي اخدين قصة الخروج عن الموضوع باقصى حدودها وللاسف بدون الحذف تقريبا مافي موضوع الا عم يصير فيه صفحة و اكتر كلها سبام وعم تضيع فكرة الموضوع