انا بعتقد انه الرفقة الحقيقية ما بأثر فيها لا مصاري ولا اي خلاف تاني والرفقات لازم يتحملو بعض و يتنازلو كرمال بعض ويحسو مع بعض دايما ...
والرفيق الي بده ينسى عشرة عمر كرمال اي شي سواء مصاري او خلاف تاني بالناقص منو لأنه مو رفيق عنجد...
وانا ضد انه يكون للواحد علاقات كتيرة مع الناس...احسن يكون الو رفيق او رفيقين يعتمد عليهم بكلشي من انه يكون عنده 100 رفيق فالصو بمثلو الحب والصداقة عليه...
انا عندي رفيقتين الي معن 5 سنين كل يوم بنشوف بعض وصارت خلافات بيناتنا بس مع هيك كانت رفقتنا اقوى من اي خلاف ورجعنا سوى ووالله هلأ لأنه ممكن نتخرج ونفترق لفترة حاسة حالي ضايعة ومو ئدرانة حتى فكر انه راح نبعد عن بعض وعم أجل التفكير بالموضوع...بظن انه هاي هية الرفقة الحقيقية الي ما من وراها مصالح بالعكس صرنا اكتر من اخوات وبنفهم على بعض وبجوز بيعرفوني و بعرفن اكتر ما اهلنا بيعرفونا
...
مشان هيك رفيقك الي بتركك لسبب بايخ ما تزعل عليه بالعكس انبسط انه الدنيا كشفتلك اياه عحقيقتو
