رح احكي عن وجهة نظري وليش عم احذف
هلأ قبل مااحذف اي شي عم حط حالي بمحل صاحب الموضوع وبتخيل لو انو هاد موضوعي وانا منزلتو كرمال اتناقش او احكي بفكرة معينة وبعدين بفوت عليه وبشوفو صار كلو عبارة عن مزح وتقفيل وسلامات وسبام وماضل في اي مجال انو اي حدا يحكي بالموضوع اللي صاحب الموضوع بدو يحكي فيه وقتها عم احذف
بمعنى تاني الحذف عم يكون لمصلحة الموضوع وصاحب الموضوع اللي هوي واحد من اعضاء الاخوية متلي ومتلكن
وبتمنى منكن قبل ماتحتجو عالحذف اللي عم يصير تراجعو حالكن شوي وتحطو حالكن بمكان صاحب الموضوع ووقتها رح تشوفو انو مافي حذف تعسفي لانو لو كان اي واحد منكن صاحب موضوع طار النقاش فيه بسبب السبام رح يتمنى الحذف واللي مابتقبلو على حالك مالازم تحط الاخرين فيه
هلأ كمان بدي قول انو مارح احذف مشاركة كرمال مزحة صغيرة صارت والاعضاء تجاوزوها وكملو حكي بالموضوع الاساسي بس بحذف لما في مزحة وكل الاعضاء حولو الحكي والمشاركات كلها باتجاه هي المزحة وطار الموضوع
هي وجهة نظري ولهيك عم احذف واذا كنت غلطانة فيها بتمنى تعذروني
