[Government]

كاتب النص الأصلي : Willi

اي اوكي وانا معك. بس بالاول روقلي شوي.

المهم بالنسبة لموضوعك بالرياضة.
معلم نحن دايما باخوية, وانحكى باكتر من مناسبة انو يفضل تكون العنوانين بتشرح الموضوع بشكل منيح. مشان العالم بس تقرا العنوان تاخد فكرة عن الموضوع.
هلق في بعض المواضيع مو مهمة باقسام للمرئنة, شو ما كانت العنوانين عادي.
بس الموضوع عن خبر رياضي. يعني الافضل انو يكون العنوان بيشرح الموضوع.
يعني الزلمة ما حذف موضوعك او عدل على نص الموضوع لنقول انو والله سلبك حريتك.
الحكي اللي حكيتو انت هو نفسو موجود ضل بالموضوع من دون تعديل ولا حتى فاصلة او نقطة.
اللي تعدل بس هو العنوان لعنوان واضح اكتر. يعني الزلمة ما قلك انو انت خالفت قوانين القسم او المنتدى بعنوانك.

العنوان تعدل من
"هية هية هية شقينا اللبنانية"
ل "فوز منتخب سورية على منتخب لبنان لكرة القد"
هلق لو مثلا كاتب العنوان متل ما انت كاتبو بالسقيفة.
فالعنوان ما كان حدا لقو. لاكن الموضوع بقسم الرياضة, الافضل انو يكون العنوان واضح اكتر.

العنوان ما حور بموضوعك ولا غير فيه شي.

برأيي الشغلة بدها بس شوية روح رياضية. انا شخصيا كمان كتير هيك كنت اتدايق من شغلة العنوان بالبداي لانو كنت كل ما اكتب عنوان يقلولي انو ما بتلائم مع محتوة الموضوع.
بس الواحد ما بيقدر يحكي شي, الشغلة صحيحة جدا ومقنعة.

هاد بالنسبة لموضوعك بالرياضة.


هلق بالنسبة للصالون.
وهون عم احكي كعضو, ما الو علاقة بالموضوع. عدا عن انو عضو باخوية.
انا ضد الحذف اللي بسميه عشوائي اللي عم يصير بالصالون.
اي نعم انا بشوف انو عم يصير حذف وتعديل اكتر من اللازم وقلت قبل انو هالشي اسمو تدييق.

بس معلش بدك تسمحلي اقتباسك نهائيا ما بساعدك باثبات احقية اللي عم تقولو.
الرد اللي انت اشرت عليه, بيستحق الحذف وبيستاهل تنبيه صاحبو.
موضوع محمد ابراهيم, موضوع مهم وحساس جدا. فمافي داعي لهلنوع من الردود, اللي ما الها علاقة بالموضوع.
وماحلوة تنحط بالموقع يشوفها الكل.
كونو شرحلك شو معنات الكلمة اللي قالها عالماسنجر. هاد شي بخص الماسنجر. مافي داعي يكتب بالمنتدى هالشي. والكلمة كلها ما كان في داعي تنكتب لانو ما الها علاقة بالموضوع.

يعني صراحة محاولة اللف والدوران وانو نتذاكى على بعضنا بالردود وانو هالشي اسمو ثقافة جنسية. ما بظن الها طعمة.
ما بظن انو في حدا غبي بيناتنا ما بيقدر يميز بين الثقافة الجنسية, وقلة الادب. هاد عدا عن انو الثقافة الجنسية ما بتتناقش بحايلا موضوع.

يعني بينك وبين حالك (ما تقلي الي شي)
الرد مافيه شي ولازم يبقى؟؟
(برجع بقول بينك وبين حالك)

هل في حذف زيادة عن اللزوم, اي انا هيك بشوف
هل في عم تزودوها بردودكون وعم تتمادو شوي. اي نعم


هلق بالنسبة للنقل لاقسام تانية, مافي تعليق عالموضوع.
اذا بتقصد قسم الملطوشات, فهو من الفكر الحلوة اللي انطرحت باخوية.
الملطوش عم يننقل لهداك القسم, لانو بكل بساطة... ملطوش.
لما عم كون انا كاتب الموضوع فهو ما عم ينتقل للمطوشات.

بالنسية للموضوع اللي بقسم الرياضة ..

انا تعمدت واستقصدت اني حط هيك عنوان وعن سابق اصرار وتصميم وبكذب عليك اذا قلتلك يه انا حاطو بالغلط
لا انا حاطو عن قصد وبدي يا لعدة امور مشان هيك حطيتو
ولما اجا الاخ المنسق العظيم (الله يديمو ذخر لالنا) وعد هالعنوان لاتواخذني بهالكلمة بعصلي الموضوع كلو
لانو كانو حلاوة الموضوع بعنوانو

وكمان في نقطة تانية من بالساحة الرياضية من يومين في موضوع عن كمان طار فين كم رد مع انو الحوار كان ضمن الموضوع عن الوحدة والكرامة والاتحاد والخ .. ومع ذلك طارو الردود مع انو الموضوع من نفس الفكرة

مع ذلك سيبك من الساحة الرياضية خلينا بالاهم واللي هو الصالون ..

خيو انا ماقلتلك انو نحن ماعمنغلط بالصالون
ليش الكذب انا من جهتي ع بخالف شوي يعني احبانا لا اراديا ممكن يقلب الموضوع لتشات من غير قصد مني ولا عبتعمد ااذي حدا
وطبعا في غيري كتير عبغلط بس ويمكن مسطول غلط نوعا ما بردو بموضوع محمد بس يعني انا من جهتي مالي شايفو هالغلط العظيم لانو الزلمة يعني ماعمل هالشي الكبير ..
وبعدين لقلك مثلا لو هالمسطول كان منزل شي كفرية او شي كلمة ينعل ربك او ينعل دينك او سابب الله او او او ...
مستعد ابصملك انو ماكان رح يطير هالرد ورح يضل ثابت محلو مع انو كفرية وبتزعل كتير ناس مؤمنين
بس اذا رحنا واشتكينا وقلنا شوفي هالكفرية هي اللي نزلت ومسحوا او عدلوا او طيروا
بنطلك 20 الف واحد بقلك لاااااااااااااااااااااااا ااء ليش هي حرية معتقدات واديان هالملحد اللي عبكقر زلمة حر يحكي شو مابدو ويكفر شو مابدو عادي
مع انو هالكفرية بتزعل وبتقهر كتيرررررررررر ناس
متل ماكلمة فرشاية بتطعج كتير ناس

بس انو الكفرية وسب الله ومحمد (حيشاهن) هي بياخدو حرية شخصية ومالازم نعارض ولازم ناكل خ*ا ونسكت لانو حرية الملحد اهم من كلشي والملحد اذا كفر وسب مابيخدش حياء هالناس المؤمنين
بس مسطول ع طول اذا حط كلمة فرشاية فبيخدش حياء الناس ياحرام وبوطي من مستوى المنتدى ياحرام
ومع انو تنيناتن لازم ينحذفو بس الفرشاية بتنحذف والكفرية هي لزام ضل لانو خليا تخدش حياء المؤمنين بس مدام الكبار عاجبتن طز

يعني باختصار الشغلة ماشغلة قانون ولا شغلة نظام
الشغلة صارت ع كيف كل واحد رح تقول كلام غلط بس صدقني لاتستغرب هي هية الصراحة ..

والحذف والتعديل بالصالون زاد عن حدو كتير
ع فكرة القصة مو جديدة القصة صلا فترة عبتطير ردودنا وبتتعدل مع ذلك نحن اخدينا عادي ومابدنا نفتح مواضيع ونشتكي مع انو قالولنا روحوا اشتكوا
بس انا قلت اكيد الغلط مني حتى عبتنحذف واكيد اان الغلطان
بس الشغلة زادت عن حدا كتيررررررررررررر كتيررررررررر صار الحذف والتعديل شي اساسي يعني بالعربي خنقونا
ماعاد في مجال انو واحد يغلط بحرف واحد حرف صغير على طول في فوق راسك رقيب عتيد مجرد ماتغلط بنحذف ردك وبتعدل واحيانا بتتنبه وبتاكل زعلات
ليش لانو حضرة جنابك طعجت خاطر هالمنسقو املسنقة اللي بالصالون وهنن عبيحذفوا وبعدلو وراك
يعني بدن يمشوا الاعضاء على السراط المستقيم بالسللبطة وبقلك شو نحن عمنطبق النظام اي مرحبا نظام
هادا النظام اللي بدك تطبق كيفك فيو

بالعربي واقفيلنا ع الدعسة ماعاد نقدر نحكي كلمة زيادة واذا حكيناها فورا بتروح وماحد بقراها بدن الصالون متل اليرة وكأنو مافي وولا عضو ومافيو مشاركات شغالة ولا ناس عبتحكي هيك بدن يا ..

باختصار حكينا كتير وهادا الوضع ماعاد ينسكت عنو لانو زاد عن حدو كتير كتير كتير
وبالعربي اختنقنا منن



واسفة ع الاطالة
ومية وردة