[بركزان]

مهما يقولون ..مهما صار ..مهما تم
أنت البدايات.. و آخر ساحل و مينا
في هرجة الناس بالعذال .. لا تهتم
لو هم يحسون فينا .. ما حكوا فينا
ما عقب شرب الصبر و المر و العلقم
شي على طاري الفرقا يودينا
حنا افرقنا..صح .. وشمل العاشقين انهزم
و خضنا حروب البعد ..وزعلنا و ما ردينا
بس.. أهواك .. ما هي مواويل بها أترنم
ترى المواويل هي اللي تغنينا
منا الوفا.. ياوفيّ الروح..يتعلم
وكل التعابير تبحر من شواطينا
حبيب عمري ..حياة القلب .. خل الهم
تقسى الأيام .. ولكن ما تقسينا
و ان كان جدت جدايد.. حبنا أقدم
و لا عاش راسٍ على الدنيا يبكينا