[امرأة من ورق]

كاتب النص الأصلي : زوربا

قصدي قول أنو هيك مواضيع لا يمكن حتى الكلام فيها مع الناس....لأنه بمجرد الكلام بصير المتحدث خارج عن الأخلاق والقانون والله

مشاركتك هي كتير لفتت انتباهي لسببين الاول انو في كتير ناس رح تعبر عن رأي يمكن يكون مضاد لرأيها الحقيقي بس خوفا من حكم الناس انو هوي خارج عن الاخلاق والقانون والله..... يعني نفاق
والسبب التاني ومتل ماحسيت من كلامك انو شايف انو الاخلاق والقانون هشين لدرجة انو تعبير عن رأي مضاد الون رح يحطمون

كاتب النص الأصلي : الحاج متولي

هو صحيح إني هادا رأي شخصي بس برأيك إني البنت مو مشكلة إذا كانت فاقدة لعزريتها قبل الزواج ؟؟

برأيي اذا البنت مقتنعة تماما انو اللي عم تعملو شي صحيح مابيكون في مشكلة
وبتضل البنت اللي بتفوت بعلاقة وبتتحمل نتائجها امام المجتمع او عالاقل امام عريسها اشرف بكتير من اللي بتدخل بالف علاقة مع الحفاظ على غشاء البكارة وبالتالي بتعيش وبتعيش الناس اللي حولها بكذبة العذرية

والنقطة الاهم بكلامي واللي ماعلقتو عليها انو عذرية الشاب وعذرية الفتاة الون نفس الاهمية ممكن هالاهمية تزيد كتير او تنقص كتير وهالشي المفروض الشخص نفسو هوي اللي يحددو بس المهم انو يكون العذرية من الطرفين الها نفس القدر من الاهمية ولما بنعطي اهمية كبيرة لعذرية طرف وبنهملها عند الطرف التاني بيكون في مشكلة حقيقة (برجع بقول برأيي انا )

بتمنى تكون وضحت فكرتي واسفة محمد لاني طلعت عن الموضوع الاساسي اللي هوي عذرية الشاب وحكيت عن عذرية الفتاة بس نقطتي الاهم كانت انو المفروض التنين يكون على قدر واحد من الاهمية وهيك تشعب الحديث