انتي يمكن حطيتي ايدك على الجرح و انا شخصيا رأيي أنو مجتمع مجتمع "الصورة المثالية" يعني المهم الصورة و العالم شو بتحكي علينا اكتر من أهمية الممارسة او المبدأ بحد ذاته بس العالم نست انو يستحيل إرضاء جميع الناس (وهي أكتر من قصة تحكي .. هي قصة معاشة) و الناس رح تحكي عليكي بجميع الأحوال ، هلق إنطباع الناس عنا مهم بس الموضوع بدو شوية ثقة بالنفس أكثر من الجرعة المتعارفة و هي الثقة بالنفس بتتجلى براحة ضمير متولدة عن قناعة الشخص بأفعاله و أفكاره و ليست متولدة عن قبول الناس و مصادقتها على هالأفعال و الأقوال.. هلق طبيعي أنو مو كل الناس فيها تسبح عكس التيار أو تجابه المجتمع و هون بينتج المفهوم التاني اللي حكينا عنو قبل: اغتيال الشخصية"character assassination" و مفهوم الاستأساد أو bully
هلق أكيد المجتمع مهم لأنو نحنا جزأ منو : بس إذا المجتمع بدو يلفظنا (يرفضنا) بسبب ما طبيعتنا كأفراد ، يعني لما المجتمع بدو يماهي الأشخاص و يلغي تفردهم فهاد مجتمع الدمى المتحركة المبرمجة، مجتمع مخصي فكريا و إبداعيا
