[whiterose]

كاتب النص الأصلي : butterfly

شو بدنا نطلع عن موضوع الشجرة ..
حبيت تعريفك للشرف والفلتان تبع مجتمعنا ..

مجتمعنا ؟ فلينتحر مجتمعنا إذا لازال يرى الشرف مرتبط بموعد رجعتي عالبيت وبطريقتي للبس
مجتمعنا المرتشي البصباص ال .. ال ...
إذا هادا مقياسو للشرف يسمحلي .. ما بيلزمني مقياسو ..
وإذا رح ارضخ لمقاييسو .. واسمحلو يغيرني لاصبح جزء من هالمنظومة المعقدة .. هي ..
فبكون حكمت على جيل تاني .. لسى يقعد محلنا ويقول المجتمع بيشوف هيك والمجتمع بيقول هيك
وجارتنا العانس اللي بتنطر عالدرج .. لتعرف مين راجع مع مين وايمتى .. أخر ما بفكر فيه وقت بدي اتحرك ..


اما بخصوص الوحدة رفيقتك .. فهادا اجتهاد شخصي .. يعني المسيحية ما فيها هيك شي ... كل الطوائف ..

فراشتي هذا ليس بتعريفي ولا بتعريفك بل بتعريف مجتمعنا الذي أعيشه أنا و أنت
هذا هو المجتمع الذكوري بكافة اطيافه

روحي اليوم برات البيت يا فراشة ولا ترجعي لبعد ال12 بالليل ok

وشوفي الناس شو بتحكي

انا اول مين بعاني من ها القصص لأنو ايام طبيعة شغلي بتحتم علي داوم يوم الجمعة
مابضل جارة إلا بتقول لأمي معقول بنتك عندها شغل يوم الجمعة يا ام فلان
ويا حرام امي بتبلش السيناريو تبعها وبتتصل فيني لتتأكد انو انا بالشغل مع تأنيب لضميرها العزيز على قلبي بأنها عم تشك ببنتها
مابلومها هي بالنهاية ام ولا بلوم الجيران لأنهم بمجتمع شرقي



جد حاج نتفلسف على بعض ونحن كلياتنا عرفانين منيح وين عايشين مهما قلتولي قرن 21
رح قول انو العادات والتقاليد تحكمنا اكثر من الدين وحتى الشرف في بعض الأحيان
نحن مجتمع شرقي لهلىء ماعم نقدر نتخلص من الذكورية