[Danito]

يعني أجيت بدي احزف المسبات و تحديدا هي الحمار بعدين فتيتها انو الحمار كائن حي و مفيد لبقية الكائنات و على رأسها الإنسان ... على كل حال غالبا إذا كتير انحرف الموضوع و صار كلو مسبات غالبا بينحذف كلو لانو ما في اي نقاش مفيد اصلا

المهم : ردا على كتير منكم

المسبات هي دليل إفلاس ، يعني لما بتقول على الملحد غبي : على أساس انو افحتموا يعني هاد بيدل على شي واحد فقط على كرهك للآخر بسبب اختلاف قناعاتو و بغض النظر مين علمك هالكره (باسم الله و الدين) روح عيد النظر بكل قناعاتك قبل ما تفكر حياتك ظافر بالفهم ، و نفس الشي لما بتقول على متدين حمار لأنو وصفك بالغبي فإنت يعني ما تصرف احسن منو بل رديت عليه من جنس الحكي

على كل حال انا ملحد (يعني ما بآمن بالله لا من العسل و لا من مالئ الكون .. ) و مع ذلك ما بكره حدا شو ما كان إيمانو و ربو (حتى لو كان من البصل)

أما من يعتقد ان قناعاتو محاطة بهالة من القداسة اللي ممنوع على حدا يلمسها فياريت يشوف الهالة حول معتقدات الآخرين (بما فيها اللي ربهم من عسل) قبل ما يهينا

أخيرا : طيب مو المسلمين رمو الأصنام بالكعبة لأنها ما فيها تدافع عن نفسها؟ طيب الله ما فيه يدافع عن نفسه؟ و إذا كانت قواه عظيمة : ليش مجند عباده "الصالحين" في مواجهة اللي بيحكي عيله كلمة؟ و لا هني موكلين حالهم بحالهم؟ (يعني وكالتهم مو مصدقة من كاتب العدل)؟