[karim94]

كاتب النص الأصلي : خوليو

شو يعني صدفة !!
أنو قصدك بدون سبب .. !!

شو بتقصد بهالكلمة !!

حسب ما فهمت أنو احتمال حاطّينو مقابل لاحتمال أنو يكون الله هوّ المسبب الأوّل .. !!
يعني هيّة سبب أوّل ولا شو .. !!

طالما انت لسانس فيزياء .. ففهمّني معنى هالكلمة رياضياً واحتمالياً .. قبل ما ارجعلك بحكيي !!



خوليو

تكلمت عن الصدفة لأنو في ناس بيقولو أنو وجود الكون كان صدفة, أنا بفهم من كلامهم أنو متلا ظهور النقطة المادية عند نقطة الصفر ربما كان له سبب مباشر ولكن هذا السبب لا يخضع لأي قانون لا إلهي ولا طبيعي.
وفي كمان ناس بيعتبروها سبب أول, يقصدون به أن ظهور الكون كان هكذا فجأة, بدون سبب ,هذا الإحتمال طبعا يناقض مبدأ السببية.

أما عن تعريف الصدفة فهناك تعريفان لفتا إنتباهي:
التعريف اللغوي الفرنسي: تزامن حدثين, تزامن (غير متوقع,عبثي) لظروف معينة....
تعريف القرن التاسع عشر: الصدفة هي إلتقاء مجموعتي أسباب منفصلة عن بعضها البعض في نفس المكان والزمان....
أعطيك متالا للتعريف الأخير:
تخيل أنو أنت عُماني (مجرد إحتمال) عايش بأمريكا صارلك عشر سنين ما رحت لعمان وهالسنة قررت أنو تروح لبلدك , مشان هيك واحد قرايبينك حجزلك ففندفق بيطل على البحر,و هيك سافرت ع عمان يوم .....هي مجموعة سببية...
إعصار غونو ضرب عمان وخلف خساءر في البنيات التحتية, وخاصة عواميد الكهرباء, وخاصة خاصة هذا العمود أللي على جنب الطريق المؤدي للفندق و إللي بدو يسقط فشي لحظة معينة.....هيدي مجموعة سببية ثانية.....
هلء إذا وإنت وماشي للفندق وقع عليك العمود, فبتكون الصدفة جمعت بين هاتين المجموعتين السببيتين اللتين تتزامنتا فجأة في الزمان والمكان....هلء هما هيك بيقولو, أنا بقول أنو قدرك يوقع عليك العمود دوناً عن عباد الله, أبصر شو عامل بأمريكا.....

أما عن الرياضيات فما وجدت فيها تعريف للصدفة على الأقل بالمعنى المتداول, فإذا كان لدى دارس الرقص الشرقي تعريف فليتحفنا به للإستفادة مع ذكر المرجع.
تعريفي الشخصي للصدفة, العبث, العشواءية :غياب المنطق ولو ظاهريا عن سبب أو مسبب لحدث ما.
هلء نرجع لموضوعنا:
كيف بتشوف حضرتك نشأة الكون?