كيف الشباب
انا اسف عالتاخير بس اللي صار انو اشتغلت كتير الاسبوع الماضي مع الدراسة ووقت بلش يخف الشغل شوي معلمي سافر على ولاية تانية وانا اجتني نوبة كريب (هاي عقوبة من الله على هالموضوع
) بس فتت من شي كم نهار لرد وقلت انو اول شي اقرا الموضوع من اولو مشان ضل على اتصال معو اخدت معي قراية الموضوع حوالي السبع ساعات (طبعا لاني كنت بالشغل وبين الزباين )
المهم منرجع لموضوعنا
الفكرة اللي عم يناقشو فيها الشباب فكرة يبا هالعالم من وين اجت انو هالبراكين هالجبال هالزلازل هالمظاهر الطبيعية هاي كلياتها من وين اجت
طيب فكرة انو نحنا ما منعرف من وين اجت مانو دليل ابدا على وجود الله اللي منعرفو
لانو نحنا اخدينها من الانجيل والقرآن والتوراة اللي ماخودة عن بشر متلنا متلهن كان عندن راي انو في قوة خارقة خلقت هالدنيا وسموها الله
مبارح كنت عم احكي انا وبلاك بالموضوع على المسنجر وقلتلن انو يا ويلاه الخوف شو بيعمل بالعالم
انو الكل ما عم يقبل يناقش فكرة الله او يقتنع انو في تناقضات بوجود الله خوفا من العقاب ونار جهنم (اللي مو معروف وينها لهلأ )
انا باول الموضوع سالت سؤال انو ادم وحوا ايمت خلقو يعني كم سنة لورا كم سنة عاشو بالجنة وايمت نزلو على الارض وكيف اجت بقية هالعالم
وبعدين حكي واحد من الشباب وسيم او بلاك انو الديناصورات من وين اجت وليش ما انزكرت وهل وقت اللي كانت الديناصورات على الارض كان ادم بالجنة او كان وقتها نازلين على الارض ؟
لنفترض انو الله موجود
ولنفترض انو هوي بعت الانبيا والرسل مشان هالعالم تآمن في وهوي عطاهن هالكتب المقدسة مشان العالم تتبعها
طيب ليش كل دين بيتبع تعليم مختلفة عن الدين التاني واتباع هالدين بيعتقدو انو هالدين هوي اللي رح يوصلن على الجنة وبيعتقدو انو اتباع الدين التاني هني الغلط
ليش الله قلن لكل واحد من الانبياء يطلب من اتباعو طلبات مختلفة عن النبي التاني ؟
هل هالشي بيعني انو عنا تنين الله مو الله واحد ؟ او هل هالشي انو الله عم يغير تفكيرو مع الزمن ؟
انو طلعو بهالديانات (بالتفاصيل البسيطة ما تطلعو انو كل الديانات بتدعي لخير الانسان وكلها هدفها توصل الانسان على السعادة طلعو بتفاصيل البسيطة كمثال اكل لحم الخنزير بين الاسلام والمسيحية محرم ومحلل ) ورح تلاقو انو في تناقضات بوجود الله
بدي قول شغلة انا بآمن بوجود خالق لكن لا اؤمن انه هو الله الموجود بالكتب المقدسة
قد يكون مريخي او من اي كوكب تاني
مية وردة للجميع
