اي يا جماعة الخير أنا رح نزل رأيي بكل القصص باختصار و ومشان ما طوّل عليكن هاد رأيي فيهن :
karim94:
أنو القصة ما اكتملت هيك ...
butterfly:
أسلوب جيد جداً وخاصة الطريقة اللي مررتي فيها فكرة أنو سارة عمياء كتير كانت حلوة وفكرة النهاية كمان كتير حلوة وخاصة أنو آخر سطرين صرت أقراهن كتير بسرعة أنو يا الله بدي أعرف شو صار ...
The morning1:
كتير كتير حلو سرد الذكريات تبعيتو حسستيني للحظات اني عم شوفن قدامي
بس في ملاحظتين أنو القصة كان بدا شوية دقة يعني كان لازم تكوني دقيقة شوي لأنو مو معقولة البنت بغرفة الإنعاش و توقف قلبا وأنعشوها وهيي عايشة عالأجهزة وبنفس الوقت تقولي أنو "ثم ذهب الى غرفه "بشرى" و امضيا الليل كله يلعبان معا بلعبه صيد السمك"
تاني شي أنو المرض هو ورم خبيث وانتشر بجسما فما بتزبط أنو عملية تبديل أعضاء تخليها تشفى لأنو مو موضح بالقصة الأصلية وين منتشر المرض وما بتوقع أنو الحالة الموصوفة بالقصة الأصلية رح ينفع فيها هيك حل
يعني بكتابة القصة لازم ننتبه ونراعي ذكاء القارئ وما نخلي هيك ثغرات صغيرة وبسيطة.
The morning2:
للمرة التاني أسلوبك خلاني شوف الصورة قدامي وصف ممتاز لحالة الرجل هاي كام جملة كتير كانو حلوين ومعبرين :
"جلس كـ حطام على الكرسي امام مكتب الطبيب و اسند رأسه الى المكتب و راح يحاول الاستيقاظ من الالم .."
"رفع رأسه ليسأل الطبيب .. هل لديك اطفال ؟"
"راقب لبضعه دقايق تعابير وجهها .. "انه يأكل جسدها بمراره" حدثه صوت من الخلف"
""انت لا تعرفين معنى الانهزام امام الله ".."
والنهاية حبيتا لأنو بتترك للشخص اللي عم يقرا مساحة كبيرة ليحط لمساتو عليها
هلأ في ملاحظة عندي على قصة باترفلاي وذامورنينغ2 أنو بالقصتين راح الزلمة واشترى اللعبة بس انا رأيي أنو لو كان بيقدر يشتريها كان اشتراها من زمان وما كان كل يوم وقف قدام واجهة المحل وحل أنو يشتريها ..
BL@CK:
تابعت الأحداث كلمة كلمة لأعرف كيف رح تختم وكانت نهاية غير متوقعة يعني وقت قلت أنو ما رح ينهي حياة بنتو بايدو توقعت نهاية بتشبه نهايات الأفلام العربية بس فجأة طلعتلي النهاية تبعيتك ..
ولو كانت القصة أطول كان وقع المفاجأة أكبر ..
وعندك آخر جملتين كتيييير حلوين ومعبرين ..
حلوة قصتك ..
تحياتي للجميع والشكر الكبر لفارس اللي ما رح علق على أسلوبو ولا على القصة اللي كتبها ..
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ...