اقتباس:
كاتب النص الأصلي : maged-syrian
لاحظ ان الاخ تايغر قال انه لما كان بدبي شاف آخر تكنولوجيا البوصلات تبع تحديد القبلة واوقات الصلاة طيب اذا هالتكنلوجيا موجودة بدبي هل معنى هذا الكلام انها متوفرة بالعالم الاسلامي كله !!!
كمان انا كمواطن عادي اذهب من العمل الى البيت ومن البيت الى العمل هل يتوجب علي ان انهك نفسي في البحث عن اوقات الصلاة وان احرم نفسي أجر الصلاة مع الجماعة مع أجل عيون أخي المسيحي الطماع الذي يستكثر علي اذان مدته تقل عن دقيقة ! هل هذا منطق بشري !!!
يعني حتى لو عندي منبه وصحاني المنبه ليش أحرم نفسي الصلاة مع الجماعة ؟؟ وليش نمنع الصلاة الجماعية ؟؟؟
بفرض أن المسلم أدى فرض الصلاة فهذا لايكفي لأن صلاة الجماعة فرض كفاية بالمجتمع يجب على بعض افراد المجتمع المسلم القيام بها والا اصبح المجتمع آثماً
ودمتم ...
|
هاللا خلينا نحكي نقطة نقطة ...
منشان التكنولوجيا فلا هي آخر تكنولوجيا و لا هي غالية يعني السعر مو حجة لانو اي شخص بيقدر يشتري هالمنبه هاد لانو سعرو كان كتير زهيد .....
تاني نقطة انو اجر الصلاة لربك بتستاهل انو تنهك حالك بالبحث عن وقتها ( انا هيك بظن ) , لانو الواحد اذا عندو اي طلعة عادية ( و تعتبر تافهة بالمقارنة مع صلاة ! ) مع رفيقة او رفيق رح ينهك حالو بالبحث عن مطعم مرتب او فيلم سينما حلو مشان تنجح الطلعة فكيف لقاء مع ربك !!!!!
زائد انو الناس باوروبا ( المسلمين ) انا ما عم افهم كيف بيلحقو صلواتهم علما انو الاذان ممنوع بشكل قطعي ! ..
شغلة تانية انو انا ما حبيت خلطك بين الآذان و بين الصلاة بس المهم انو انا ما اعترضت اخي على باقي اوقات الآذان ( مو الصلاة ) لانو انا مو هدفي احرمك من شعائرك الدينية ياللي انا بحترمها بس انو عم نقلك بس آذان نص الليل هو المشكلة و هادا انا بظن انو ياللي بيقصد بيقدر يوح على المسجد ويصليه لانو الموضوع بدو انو تفيق وتتوضى و توصل للمسجد .....
يعني ممكن تعتمد بهالوقت على المنبه لانو آذان دقيقة قبل الصلاة ما رح يخليك تلحق الصلاة و انت بسابع نومة .....
برجع وبقلك انا مو هدفي انو احرمك من الآذان أو الصلاة , بس انو حط حالك محلي كمسيحي , او انو ممكن انت تستحمل صوت جرس كنيسة الساعة 4 وش الصبح فوق راسك ؟؟؟!!!!
تحياتي ....
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم .....
في البدء كان الكلمة .....
مملكتي ليست من هذا العالم .....
|