[قهوة دايمي]

بصراحة كل مرة بكون بدي شارك بموضوع الو علاقة بالاديان .. و ال لا اديان ,,, بتفاجئ بكمية الاتهامات والمسبات .. شباب ما بدها كل هالقد عصبية ... من الطرفين ...

الملحدين .. ما في داعي يسبوا الله والدين - استنادا لقاعدة ( شتيمة الاخر - اعتراف به )
طبعا انا عم بحكي هيك مو عشان المشاعر تبع المتدينين ... لا بس عشان احترام المكان اللي نحنا في ( الاخوية يعني )

والمتدينين .. كمان انتو زبيبتكون مو قصيرة .. بما انو هالقد ( غيورين على هذا الدين ) ما في داعي .. تبهدلوا الشباب .. وتحرقوهن بالنار من هلاء .. بدكو طولو بالكن ... فرجونا نموذج بيعبر عن هذا الدين ... غير التحقير والالغاء ... نموذج يجذب الآخر .. ويخليه يتقبلك ...

اسف اذا كلامي كان بموقع التنظير ... لكن .. هاي الظاهرة هون بالمنتدى صارت اكتر من مرة متكررة ..!!

للجميع تحياتي ...

و تبقى الشيوعية ... الحلم الابهى !!


شكرا جدا جزيلا