[بلا ولا شي]

معارضة ؟؟؟؟ شو هالكلمة الرنانة
يعني بربك كيف بدي أحترم معارضة بيكون فيها خدام ؟؟؟
لا و المضحك انو نفسها هالمعارضة كانت ناشرة عرضو لخدام لما كان بالسلطة
انو شو يعني معارضة او انت معارض .... يعني بس هيك طلع على بالك تعارض
عطيني شو سويت شو هو تاريخك النضالي بالمعارضة شو عملت بالضبط ؟؟؟
و الله يكون أنضف معارض بالدنيا ويروح يزور اسرائيل لازم يتخوزق بساحة المرجة
بالنسبة لميشيل كيلو انا بعتبرو انسان كتير نضيف و كتير كنت معجب فيه
بس اللي بدي افهمو شغلة وحدة يعني ترك كل شي فيه مشاكل بسورية
و ترك كل مطالباتو بالاصلاح بالبلد و راح لحتى يوقع اعلان مشان تصحيح العلاقات
مع الشئيئة ؟؟؟ لا و مع مين مع الياس عطا الله و وائل ابو فاعور و وليد عيدو
و قافلة الكلاب اللي كل يوم عم تنبح على سورية ؟؟؟ يعني كمان تخنا كتير
و اذا بتتذكروا بمؤتمر الحزب كان ميشيل كيلو يوميا يطلع عالفضائية السورية ببرنامج
مع مجموعة من المسؤولين و يحكي اللي بدو ياه و ما حدا تعرضلو و لا حدا حاكمو ولا صار شي
اما الأخ اللي عم يقول انو النظام باع الجولان من زمان يعني والله ما بعرف شو بدي قول
على هالكلام بس رح قلك يستر عليك لا تكرر كل الكلام اللي بتسمعو من جنبلاط بيك؟؟؟
لانو يا صديقي لو انباع الجولان لكان من 1982 عملنا سلام مع اسرائيل و كانوا هلق
شقراوات اسرائيل عم يتسوقوا من الحميدية ؟؟؟؟؟؟
معليش شباب كلنا مو رضيانين عن الوضع بالبلد ولا رضيانين عن التقدم البطيء جدا
بالاصلاح بس كمان تراكمات 30 سنة ما بتنحل ب 7 سنين و خصوصي انو الفاسدين
متأصلين بمجتمعنا و جذورون ثابتة بالارض و المسألة بدها اكتر من 7 سنين ....
شوية واقعية و منطق بالنقاش ما بتضر