و الله حرام يللي عم تعملو بين بعضكون
كلكون خليتو الغضب يعمي عقولكون و يسكر على قلبكون
لك يا شباب لك يا عالم نحنا كلنا اخوة نحنا كلنا اخوة
ليش ما حدا عم يفهم هاي الكلمة انا ما بعرف
و الله الواحد بيستحي انو يحكي مع شباب و كل واحد فيكون عقلو بيوزن اد بلد و الله حرام عليكون تعملو هيك
العالم برا اتجاوزت هاي المرحلة من زمان و ليكو وين صايرين و نحنا لسا عم نتقاتل مع بعضنا منشان كلمة
لو واحد اجا و دخل و شاف شلون عم تتعاملو مع بعض و نوعية المواضيع يللي عم تنزل بحوار الاديان شو بدها تقول......
لك بلبنان استحو على حالن و شافو انو خطا الا ازا كانو متضامنين سوا و نحنا لازم نتعلم منون لازم نتعلم الطريق الصح
نحنا هون ملتقى الاديان مو تصارع الاديان هون محل ما كل الاديان بتكون كلها سوا صح و كل واحد فيكون مؤمن بعقيدة و بيعرف حالو و واثق من يللي عم يعبد و بيعرف الطرق الصح من اللطرق الخطا.......
انا ما بدي اسمع واحد عم يحط الحئ على واحد تاني نحنا كلنا اخطأنا و كلنا منعرف بهل الشي و الاعتراف بالخطأ فضيلة
انا من ناحيتي اخطأت و ات ما حكيت هل الحكي من زمان و ما نبهكتون من قبل على الحالة يللي وصلنا فيها لهون...
والله يللي كلكون بتحبوه و يللي كلكون بتعبدوه انا هادا الحكي مو طالع غير من قلبي المحروق عليكون....
ارجو انو ما حدا يكتب كلمة تانية عن حدا تاني و الا فهل الشخص بيكون اهاني ادام العالم كلها و ازا حدا فيكون بيحترم يللي انا قلتو ما رح يكتب شي من بعدي
و مشكور ابو حمزة على الموضوع فعلا اجا بواتو
الاطرميز واحد ...بس الزيتون كتير و متنوع
|