ايه اهلين برجعتك يا خيو
بس يا معلم يا ريت ما تشمل وتقول مابدنا وما بدنا ومن هل الحكي !!!
لانو حضرتك مو بس انت سوري وبتحب سوريا متل ما عمبتقول وبتب الامان والامن والكل معك بهل الحق انا اشتهيت تحكي كلمة منطقية !!!!
وين المواضيع الي فيها حقد على سوريا والسوريين ؟!!!!!!!!!!!!!!!!!!
اذا كانت في مواضيع عمبتكون على النظام وعلى حقد النظام على الشعب وقت ما بيسرقو وبيستغبيه وبيمشيه متل ماهو بدو !!!
يا اخي انت مالحالك عايش لحالك على سوريا في ناس الهم نظرة غير نظرتك !!
لكن ليش الواحد عميقول انو لازم يكون في احزاب ؟؟!!
مشان انت اتروح تنتسب على البعث وغيرك ينتسب على غير حزب ووقتها بصير انتخابات واذا كان اكتر الناس متل رايك وقتها خلص ماحدا بيحكي !!!
خلي يكون في راي وراي اخر الله يرضى عليك ما تحسسني انك من العصر الجاهلي بس راي القوي هو الي بيمشي او متل الي بيقول حكم القوي على الضعيف
وبعدين شو دخل الشام والفيجة بنظام البعث ؟؟
كمان لا تقلي انو هو خلقهم !!!!!!!!!!!!
يا اخي حرام عليكم بقى تربطو كل شي بالبعث وبهل النظام ما بيكفي حافظ الاسد ماراح الا ما مات ؟!!
هلق كمان الدور على بشار ؟؟
شو مافي غيرو بالبلد ؟؟؟
شو منزل من عند الله ؟؟
بكرى قبل ما يموت بيجهز ابنو حافظ وبتصير سوريا اسما المملكة الاسدية متل السعودية !!!!!!!!!!!!
الله يرضى عليك فكر وما تحكي هيك بس لانك مشتهي تحكي وياريت ما تشمل مرى تانية
تحياتي
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|