[oliver68]

كاتب النص الأصلي : جروح المحبه

السلام عليكم
؛؛؛؛؛؛؛؛؛؛؛
كم هو جميل منك اخي العزيز هذا العمل
والاجمل ان لاتكثر من الروابط
لانها تشتت الافكار وتفسد متعه الاستفاده
وجهه نظر ؟؟؟

أول شي يسلموا على مرورك و معلوماتك الحلوة يا باشا، و مشان ملاحظتك أنا كمان ما كنت حابب حط روابط، بس لأن بتعرف نحنا العرب متطورين لدرجة تفوق الخيال، كل مواقعنا و أخبارنا بتلاحق الفنانين و فضايحهن و رجال الدين و آخر فتاويهن يللي بلا طعمة ، بس إنو نلاقي شي خبر فلكي أو علمي جديد، عبث، و إزا لقيت بكون خبر قديم و إزا كان جديد بكونوا حاطين ملخص ملخص الخبر و ما منستفاد شي، فمشان هيك بتلاقي كل أخبار الفضاء الجديدة مع تفاصيلها الدقيقة و يللي لازم نتطلع عليها، كلهالشي بكون بمواقع أجنبية، و اللغة بتكون انجليزية، و بصراحة أنا ماني فاضي اقعد ترجم النصوص الطويلة و رد اكتبها من أول و جديد بالعربي ، فمشان هيك بقرأ الخبر أو المقال و بحط ملخص عنو بالعربي و بحط الرابط مشان الشباب المثقفة - و معظم أخوية مثقفين و بحبوا يقرؤوا- تقرأ المقال و تفهم و تعرف شو عمبصير بالدنيا.

المهم يا صديقي شكرا كتيييييييييييييييير على اهتمامك و ملاحظتك، و أكيد رح حطها بعين الاعتبار، و إنشالله بس خلص الضغط يللي فوق راسي بهالفترة رح حاول ترجم أكبر قدر ممكن من الأخبار والمقالات الجديدة، و لا تحرمنا من مشاركاتك الرائعة بأخبار الفلك و الفضاء،و الله يعطيك ألف عافية على مجهودك الأكتر من رائع.