[سرسورة]

كاتب النص الأصلي : أسير التشرد

اول شي بشكركم كلكم ع مروركم ع الموضوع...
وبحب قول للشباب اللي مروا من هون...انو هالدوا للمرا اللي بتعاني من الالم (الغير قابل للتحمل) ما في حدا من الشباب بيعرف كيف البنت بتحس لما بتجيها هالتشجنات اللي بتصير بالرحم ... هالتشجنات مؤلمة كتير من كل 5 انثى 3 منهن بيقعدوا بالبيت من شدة الالم وهالشي رح يسبب غيابها عن عملها ومصدر رزقها... لهيك الدوا مو لكل انثى ما بدها الحيض... هالدوا فقط للي عندها مشاكل واوجاع (لا تطاق) وقت العادة الشهرية...

ويا هلا...

هلأ اول شي....انا اكيد من اللي بيعرفوا.....
تاني شي...انو اي شي كتير حلو و انساني انو يفكرو كيف بدون يخففوا وجع هالمسكينات وقت الدورة ....بس صدقني اسير....هاد الموضوع الو تفرعات كتير خطيرة بالنسبة للجسم....
يعني انا من عندي بقدر قلك انو اسلم للبنت انها تاخد مسكنات مركزية و تبقى ملقوحة بالفرشة هاليومين (لانو وجع الدورة الاعظمي بيكون اول يومين والتالت ماكسيموم) على انا تاخد شي يمنعلا الدورة عالاخير....
الموضوع كتيير كبير و تفاصيلو متشعبة جدا ويطول شرحه سواء بالنسبة للتغيرات النفسية او الجسدية و الفيزيائية للمرأة بالنسبة لفترة الدورة الشهرية او ماقبل الدورة....
عنا بالطب...او بالاحرى عنا بكلية الطب بجامعة دمشق و في مشفى التوليد بالذات بيعملونا شغلة .....قال يا سيدي....الدورة الشهرية المنتظمة هي دليل كبير على صحة و انوثة المرأة ....لانو هي صحي بتحمل الكثير من الاوجاع بالنسبة لبعض النساء..ولكنها بنفس الوقت بتخفف كتييييييييييييييييييييير عن المرأة....ان كان من الاعراض النفسية او الجسدية.......

واما منشان دم الطمث المحتبس ...ع حد علمي انو هالدم ...متلو متل اي دم بالجسم يعني ازا طلع او ما طلع نفس الشي واللي بصير وقت الحيض انو وقت تشنج الرحم وتسلخات الرحم بيطلع دم لتصريف هالبقايا من قشرة الرحم ... ومتل ما بنعرف ازا زاد النزف للبنت بتصاب بفقر الدم Anemia...

لك له له...شلون اذا طلع او ما طلع نفس الشي
اذا ما طلع بيصير متل السم بالجسم.....يعني اذا ما عمل شي ما عمل شي بيتجمع باسفل البطن و بينفخو....
يعني تخيل عضو عم يتشقق و ينسلخ و بقايا انسلاخو تبقى مجمعة فيه......

و بشكل عام كل البنات معرضين للاصابة بفقر الدم بعوز الحديد اكثر من الرجال بسبب الدورة..مشان هيك الكثيرات بياخدو حبوب حديد وبوقت الدورة بيزيدو من تناول الاطعمة المغذية و المقوية للجسم.....

ميرسي اسيرو مرة تانية