[اية الرحمان]

كاتب النص الأصلي : krimbow

هلأ ما بعرف يا آية الرحمن ازا كان الاستاذ بيقربلك او بيعنيلك، يعني ارجو انو تتأكدي انو ما في شي شخصي بيني و بينو و انا بالفعل بحترمو و بقرالو
و برجع بكرر انو ما في شي شخصي، بس انو عم ببدي رأيي...

يعني عن جد، شو بدك ياني ناقش؟ انو الاستاذ برهان هوي مخترع مصطلحي "إسلاموفوبيا" و "إيرانوفوبيا"؟

طيب يعطيه العافية...

ذكرتيني بالمرشح يللي كان كاتب انو هوي "مخترع تقنية البلوتوث في الخليوي" (و لهلأ ما حدا تكرم و شرحلي شو بتختلف تقنية البلوتوث بالخلوي عن مثيلاتها بغير اجهزة (؟!) )

ذكرتيني اكتر بقصة طريفة هاكي اياها:
قال الراوي
مرة كان جالس الاستاذ خالد تاجا مع ثلة من الفنانين باحد لوبيات الفنادق، و إذ بيتطفل عليهم شخص ما، على اهلا و سهلا باساتذتنا الكبار و يا مرحبا و قعد يأهل و يسهل و يعربلهم عن اعتزازو و اعجابو بفنهم و اعمالهم... و بعدين طلب انو يقعد معهم شوي
فهنن يعني انو وافقوا على امتعاض و انو ما حلوة يفشلوه و هيك
اي قعد و ما خلصوا منو على يا مية اهلين و نورتوا.. و هون عرف عن حالو انو "فلان الفلاني" (نسيت الاسم صراحة، يبدو انو عندي مشكلة مع الاسماء)...
...و انو هوي مؤلف كلمات اغنية "يا رمزنا يا رمزنا" عرفتيها؟

لك يا رمزنا يا رمزنا تبع الطلائع
لك هي تبع يا رمزنا نعم، يا حبنا نعم و بتلولحي هيك بايديكي... عرفتيها؟

اي المهم اتطلع فيه الاستاذ خالد تاجا و قاللو بصوتو الجهوري: هلأ انت مؤلف كلمات اغنية "يا رمزنا يا رمزنا" ؟!
قام قاللو: اي استاذ
قاللو الاستاذ خالد: يعطيك العافية

يعني هلا لو جبت كلمتين من كلمات سيدنا محمد عليه الصلاة والسلام او كلمتين من سيدنا موسى عليه السلام او كلمتين من سيدنا عيسى عليه السلام يعني بقربلهم
ذكرتك ....وذكرتك.... وذكرتك...........
ليش ما تركز على لب الموضوع ومركز على العنوان واختراعووكاتبو يعني اسلامو او ايرانو هاي اسماء
من كلللللللللللللللللللل........ ... هالموضوع ما فهمت غير مين يالي كتبو والعنوان
ان كنا نوافق او لا نوافق شخصا او اي موضوع فعلينا المناقشة بصميم الموضوع
موقع ايران......... شو هي ايران........... ليش الناس خايفة منها او كرهانتها ليش وليش ..............الخ
ومرسي اخ كريم بس ياريت لا تقوقع الموضوع
وشكرا عالقصة اللطيفة