قرد تركيهِ من إيديكِ إتركيهِ لك حلي عنـو بقـى هلكتيـهِ
واتطلعي فيني العمى بقلبك صرلك ساعة عم بتكبسي فيـهِ
إي شو هو أهم مني لحتى كل وقتـك واهتمامـك تعطيـهِ
لسا كل مارن بتنطي من أربعتك وبنشوة عارمـة بتفتحيـهِ
نفسي أعرف قبل مايوصل لعنا شلون عشتي بلاما تحمليـهِ
اللي بيشوفك هيك بيقول حتمـاً بتعبديـهِ بعـد الله بتعبديـهِ
يخرب بيتك انشالله وبيت بيتك ماكنتـي تعرفـي تشحنيـهِ
إذا مابتضبيه بشنتايتك هلأ بدي كسر المطعـم باللـي فيـهِ
ولك أنا حبيبك شو نسيتي والا الهَمر نساكي اللي بتحبيـهِ
إلهي لموبايلك يبعتله حمـى بإشارتـه.. ولحسُّـه تخفيـهِ
وتجي لتشعليه يقلك erorr وسوفت وير العالـم مايشفيـهِ
خلص لاتبكي أمري لأ الله طالعيه مـن الشنتـة واحمليـهِ
بس مشان محمد ركزي معي عم غار منو بـس تحضنيـهِ
قلك على شغلة أنا قايم أمشي وإنت خليكي مع اللي بتعشقيهِ
أنا ماشي ورح أدعي من قلبي روحي إلهي ربي تعدميـهِ
بس أوعك تعزميني على عرسك حاكم مو بعيدة تتجوزيـهِ