اقتباس:
كاتب النص الأصلي : marioma alghzayala
انتي متاكدة انو كل السوريين هيك؟؟؟  وليش بس السوريين ما شملتي العرب كلياتن مثلا؟؟ او ما قلتي اللي بيعرفوكي بس ...
هادا برايي بيرجع للشخص نفسو .. او للبيئة.. او للظروف ... للنفسية ... شبعرفني كتير اسباب ...
|
اسي نعم كل السوريين هيك لا ليش الكذب مو كلن بس 99% منن
وحق معا لما قالت السوريين بس وماشملت العرب كلن وموغلط الكلام اللي حكتو
ليش ؟
هلأ كل الجنسيات اللي هون وبدنا ناخد المصريين مثلا ياستي هالمصري اول مايشوف ابن بلدو المصري بالغربة فبتواضعلوا تواضع ليوم التواضع يعني ولما بشوفو كأنو بشوف اخو مو واحد غريب وحتى لوكان هالمصري مثلا وزير بصير زبال قدام ابن بلدو ومابشوف حالو عليه باي ناحية من النواحي وبعاملوا كانو اخو اللي كان ضايع من زمان ولاقاه وطبعا فيكي تقيس على هالحكي باقي الجنسيات وانا مع هالكلام 100% ومستعد ابصملك عليه بالعشرة لانو الكلام عايشو وشايفة (وطبعا لايخلى الامر من بعض النفسيات المحمضة واللي هية قليلة جدا وبتكون هي اصلا هيك الله خالقة نفسياتا محمضة من اول ماولدت مو بصير هو يشوف حالو هو بتكون هيك طبعيتو بس مع ذلك اول مابشوف ابن بلدو بالغربة بحن وبصير متل اخو بعكس السوري تماما)
اما حضرة السوري
فياستي ع طول شايف حالو ورافع انفو للسما وكأنو ماحد قدو وكأنوا نازل من عند الله لا ولاانكى من هيك انو مابشوف حالو اكتر الشي غير ع ابن بلدو والسوري اللي متلو بالتحديد ليش الله واعلم وتقولي هو جاي من سان فرانسيسكو وابن بلدو جاي من شي مزبلة وطبعا هالكلام 99% من السوريين ويمكن واحد بالمية بس اللي هنن عكس هالكلام وتاكدي تممام انو نسبة 99% من السوريين مو مبالغ فيا
وعلى سبيل المثال مرة صارت قصة معي
يوما كنت عبمشي انا واحد صاحبي ولا كان في واحد سوري بيعرفوا فقلي تعا اعرفك على هالسوري اللي متلك ولا راح عند هادا صابحنا قلو هادا سوري متلك هه (علي انا يعني) قام اطلع علي هيك نظرة مدري شلون فيا شوفة حال وتعالي وقلوا اش اعمل يعني اش المطلوب مني وزا سوري
وبنظرة كلا هيك مدري شلون حتى سلام ماتنازل وسلم علي
انا طلعت في هيك اشتهيت اسلخو كف هرلوا سنينو في بس قلت حرام وطي نفسي مشان هيك نفسية محمضة
وطبعا قيسي على هالكلام اغلب السوريين اللي بالغربة هي اذا ماقلنا كلن
وبعكس باقي الجنسيات تماما تماما يعني كلن بكونوا ايد وحدة وجماعة وحدة وروح وحدة الا السوري بكون شايف حالو وكأنو ماحدا قدو
وعلى شو مابتعرفي
فتأمل يارعاك الله ...