[krimbow]

شكرا شبابز ع الحوار

مبدئيا، كمقدمة يعني: الموضوع جميل جدا، جميل جدا نسبة انو صاحب الافكار يللي فيه هوي طفل عم يتعلم الحروف الابجدية...
بس اكيد بوكرا بس يكبر و يتعلم الحروف الابجدية رح يغير رأيو

يعني بتصور انو حاليا هوي (و الضمير المنفصل هوي يعود للطفل صاحب الفكرة) باعتبارو ما بيعرف الحروف الابجدية فحاليا هوي لا يختلف كثيرا عن معشر الحمير و بامكانو انو يكون حمار تقليدي، او حمار وحشي

بوكرا... بس يكبر يعني مش انو بوكرا بوكرا، بيصير بيفهم انو فيو يكون شي تاني غير الحمار بشكليه
و بيجوز، ازا اتيح الو نوعية تربية منفتحة شوي، رح ينتبه انو ممكن يكون انسان

و إذا لا قدر الله و اتيح له نوعية تربية و تعليم ترقى الى القرن الثامن عشر فما فوق، فبتصور انو رح يخلص من عقدة انكيدو، و رح يتخلص من الصراع الفكري القبلي اللي مازال حاكم عقلية شعوبنا ... و هالصراع (متل ما بتعرفوا طبعا) قائم بين المدنية و حياة البراري.. و قطعا انتوا بتعرفوا انو كل العلماء (علماء العلم مش هدول يللي بيسموهم علماء و هنن بالفعل جهلاء تبع الدين) كل علماء الاجتماع من ابن خلدون لليوم، ما وضعوا حياة البراري بحسبانهم باعتبار انو يلي بيعيشوها هنن مش بشر قولا واحدا ... و بدؤوا التصنيف الاجتماعي من البداوة (من اسمها مبين شو هيي) إلى الحضرية مرورا بالريف و المدنية

ان يأتي طفل و "يحن" لحياة البراري يللي كما اسلفنا ما اعتبروها علماء الاجتماع كأحد اصناف الحياة البشرية... فهذا مقبول و نصفق لهالطفل تصفيقا شديدا
و غير ذلك، بدكم تسمحولنا يعني

يمكن وائل و جو حبيتوا تناقشوا موضوع المقاومة و كيف انو يللي بيقاوم حمار وحشي و يللي ما بيقاوم حمار تقليدي و اختلفتوا تنيناتكم حول مين هوي الحمار الوحشي و مين التقليدي... و بتصور وصل اختلافكم حول حقوق حمير الوحش و الحمير التقليدية... بس لاحظوا انو تنيناتكم متفقين انو الحمير.. اجمالا يعني ما عندها حقوق
اي بس انا .. ما بسمح بتمثيل المقاومة بحمير، لذلك قررت انو نحكي عن الموضوع باعتبارو صراعا دائرا (للاسف انو ما يزال دائرا) بين انصار الحياة البدوية و انصار حياة الحضر المدنية