sorry كتير عالتأخير
بس معلش كانت الظروف السياسية والاقتصادية لا تسمح .... مابدكن تسمع هالعلاك
المهم هيني اجيت ولو متأخر بس المهم إني اجيت يعني قمت بفعل المجيء
وهلئ بدي خبركن عن صاحبنا هدا يلي اسمو (م.س ) انخبركن قصتو على طريقة المسلسلات السورية
اول شي بنسمع غنية .. بشتقلك لا بقدر شوفك ولا بقدر احكيك .
(م. س) و (س) - طبعا مافيني حطلكن الحرف التاني من اسمها بشان ماتعرفوها - ربيو سوا من صغرهن
و(م.س) من لما وعي عالدنيا لقى حالو بحبها وكان كل ما كبر يزيد هالاحساس وطبعا كان كل سنة بيتعرف
على حاجات جديدة اوي فيها ... لوقت صار عمرو 16 سنة وهون كانت الصدمة وخيبة الامل
لما عرف انو مو كل شي حلو بالدنيا بيكمل واكتشف انو لحتى يحافظ على حبو لازم يقوم بتضحيات كتير
بس هي التضحيات مانها لصالح (س)
بس طبعا ما تركها من اول عقبة مرقت معو كافح وتابع وواصل حبو بس للأسف كانت الضغوط كل مانها عم تزيد
على (س) وطبعا بسبب هالشي ماقدرت تبقى مع (م.س) ولا قدرت اتحافظ عليه
وطبعا (م.س) ما بيقدر يعيش بدون (س) لانهن بكملو بعضهن بس ... اتطر انو يتركها ويروح لبعيد
على امل انو ينساها ويبطل يحبها بس حبو كان اقوى من ينسى بسنين الغربة
كان مفكر انو هالمثل يلي بيقول (البعيد عن العين بعيد عن القلب ) بس للأسف كان عم يصير معو العكس تماما
كان يشوف حياتو عندها بس ماكان بيقدر يحرو ء حالو بالحياة لهيك اختار انو يضل بعيد ويتعذب بغربتو
على أمل -تاني غير الاولاني - انو يجي الوقت يلي بيقدر يوقف ضد كل الضغوط ويوقف كل العالم يلي بتكره
(س ) وبيدعو انهن بيحبو وخايفين على مصلحتها ليرجع إلها
بتمنى التوفيق ل(م.س) وانشاالله بيرجع لبيتو وللحبيبتو (س)
(م.س) = مواطن سوري
وطبعا (س) هي بلدي الحبيب سوريا
انشاالله تعجبكن واكيد لسى في كتير
كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...
"We ask the Syrian government to stop banning Akhawia"
|