يمكن ...بيكفي تشوف مباراة كرة قدم في بلد ما لتاخد فكرة عن شعب هالبلد
بالنسبة لمباراة قمة الدوري السوري بين الاتحاد و الكرامة ( و التي اتصفت بالملل )
فبغض النظر عن ضعف الاداء من الفريقين فان المباراة اتصفت بالسلبية بكل المقاييس
سواء بالتحكيم أو بالتعليق او بالنقل التلفزيوني أو بسلوك الجماهير
فلما منسمع المعلق منفكر انو عم يحكي عن غير مباراة ...أو يمكن عن غير لعبة كليا
و نبرة صوتو لحالها كافية انها تخليك تشعر بالنعاس
أما بالنسبة للتصوير بالرغم من المدرجات العالية في الملعب الجديد
منشوف الكامير أعلا من مستوى ارض الملعب بقليل
و المصور ما عم يقدر يلحق الكرة (يمكن المصور ما عم يحضر المباراة أصلا )
أما الجمهور ...( و هون الطامة الكبرى ) فقد تجسد سلوكه الحضاري برمي الهدايا
على اللاعبين و الحكام (من زجاجات فارغة و خلافو ) وكيله الشتائم للاعبي الفريقين على حد سواء
*
*
*
يعني بصراحة شي بخجل