[Joe]

شريك...

الاحترام له أسباب مختلفة و أنواع مختلفة.. الدافع لاحترام الأبوين و طريقة التعامل الناتجة عن هذا الاحترام تختلف عن الدافع لاحترام رب العمل و نتيجة هذا الاحترام كما تختلف عن دافع احترام الحكومة او اي رمز حكومي و نتيجة هذا الاحترام..

الاحترام ليس هبة تمنح من قبل المحترِم إلى المحترَم ... هي صفة يكتسبها الشخص المحترم نتيجة عدة أسباب.

أعتقد ان أسباب الاحترام الأساسية تقع تحت عدة أبواب رئيسية...

1-عدم معرفة الشخصية لذلك نحترمها (احتياط ان تكون شخصية جديرة بالاحترام او مهمة و ذات شأن و سلطة يعني الخوف)
2- معرفة الشخصية جيدا و لذلك قررنا ان نحترمها بناءا على أفعالها و تصرفاتها
3- الاحترام لسبب مجهول لا نعرف مصدره و لكن ببساطة نحترم هذه الشخصية لان الجميع يفعل ذلك (الأهل, رجال الدين)
4- الاحترام نتيجة الخوف من الشخصية و ما قد يجلبه علينا عدم الاحترام

هل الاحترام اولا يتضمن عدم الحديث بالعاطل عن الشخصية بغيابها؟ حتى لو كان الحديث صحيح؟ ام ان الاحترام هو بالتصرف بطريقة لائقة بوجود هذه الشخصية؟ اذا كان الجواب نعم على السؤال الأول.. فألا يعني هذا ان الاحترام بدأ يتحول إلى نوع من أنواع التقديس (ليس حرفيا) ؟

يعني احترام وهيبة الرموز لا تحسب بموافات نظرياتهم وافعالهم لكل زمان ومكان وانما تقاس بما قدموه في ظروفهم وفي حقبهم التاريخية ..

أولا نحن لا نعلم بالضبط ما هي ظروفهم التاريخية.. ثم اعتقد انه يجب ان نكون مهتمين بالنتيجة النهائية..
و ماذا عندما نعرف ان محمد مثلا قام بأشياء مسيئة لنا الان او ارتكب افعال غير محترمة... مثلا تنزيله لايات حتى يتزوج ما يحلو له من النساء... ألا يؤثر هذا على مدى احترامك له؟

وانجز منجزات عملاقة على الصعيد الداخلي والخارجي ..

ارجو ان لا تكون هذه المنجزات هي بناء مدرسة و تركيب لمبة في الشارع.. لان هذه أقل ما يمكن ان تفعلها حكومة.. و لكن عندما نتكلم عن 30 سنة من الحكم... ففعلا قد نتوقع منجزات معينة.. ممكن ذكر منجز واحد على الصعيد الداخلي و منجز اخر على الصعيد الخارجي مما يستدعي الاحترام لدرجة "رفض عدم الاحترام" ؟ يعني في اشياء تؤدي إلى احترامك شخص معين.. و في افعال تؤدي إلى احترام مضاعف.. بحيث تعارض عدم احترام هذا الشخص... فما هي هذه الأسباب؟

بفهم من حكيك انك عم بتحض الشعب البريطاني نحو عدم احترام الملكة ايليزابيت !! من باب يابا احنا ما فينا انغيرك هلق سو ما فينا نحترمك !!

هناك فرق شاسع جدا جدا.. حيث ان الملك في بلادنا يحكم شعبه بينما الملك عندهم "رمز".. أعتقد انك ستجد ان معظم الشعب البريطاني سيحترم الملكة او الأسرة الملكية بشكل عام لأنها فعلا رمز بريطاني... مثلما نحن نحترم العلم السوري لأنه رمز... بينما لن تجد الشعب البريطاني مضطرا ان يحترم طوني بلير!
ثم هناك قوانين في الدولة تفرض عليك تصرفات معينة امام و بحضرة الملكة .. لذلك ايضا قد لا يكون الموضوع موضوع احترام بل فقط خوف

بس احنا منوصيّ بشدة .. (منوصيّ الشعوب وليس الأفراد) بإحترام رموزها ..

رموز شو يا شيخ... رمز شو؟ و مين إيمت و ليش و كيف؟؟

الإحترام واجب لتنظيم العلاقة وتسهيل التعامل ..

الاحترام ليس واجب لتنظيم العلاقة و تسهيل التعامل... بل القوانين و الأنظمة هي من تنظم العلاقة... الاحترام و فسح المجال للعلاقات الشخصية و ضرب الصحبة في العمل تؤدي لتشويه العمل و دخول المصلحة و الصحبة و هل اشياء

نا طالب طب واذا بدي كون بعملية ويطلب مني البروفيسور بالعملية اربط الوريد فأنا رح بربط الوريد حتى ولو كنت على قناعة 100% انو ربطي لهال الوريد حيأدي لموت هال المريض او غيره .. بس انا من باب احترامي لتجربة وخبرة هال البروفيسور فبوسق فيه وبنفز بدون ما ناقش .. وهيك الحال .. بأي هيكلية تنظيمة .. متى فقدت الهيبة الهيكلية _هيكلية حزبية او سياسية او جيشية او اجتماعية او او _ متى فقدت الهيبة في الهيكليات فشلت الهيكلية في تطبيق اي اهدافها ..

مستحيييييييييل يا رجل... مستحيل ... انت عم تخاطر بحياة شخص مشان البروتوكول!!! مشان الاحترام ... هادا غلط و ما بعتقد اي شخص رح يكون سعيد لما بكرا يموت الشخص ... و بكرا لما يسمعوا الأقوال مثلا و يحاول البروفيسور يبري نفسه.. يمكن يقول هوي كان مقتنع... او كان غير مقتنع ... مو قصة اقتناع.. على الحالتين رح تروح عليه... بس انت شو بتقول؟ انت بتقول كنت عرفان و ما حكيت لأنك بتحترم البروفيسور؟ لما بتقول ما كنت عرفان كمان؟ انا متأكد انو لو صار هيك حادث و حصل تحقيق فأنك رح تقول انك ما كنت عرفان.. اكيد رح تصطنع عدم المعرفة و يمكن بهل حالة تخسر ثقة كل الناس اذا كان الخطأ بسيط جدا مثلا و اتضح انو انت كان المفروض تعرف... اكيد ما رح تقول خدوني على الحبس انا كنت عرفان بس ما حكيت!

طيب سؤال... لو فرضا فرضا لا سمح الله كان شخص عزيز عليك بهل عملية.. كمان رح تعمل نفس الشي؟؟؟

طيب لو شخصه "بتحترمه" طلب منك تخاطر بحياتك انت رح تخاطر بحياتك؟ اكيد لاء... لكن ليش بدك تخاطر بحياة الناس كرمال الاحترام و كرمال ما البروفيسور يزعل منك؟

ابو الشباب في قوانين بكل محل... قوانين العمل بالمدارس و بالمستشفيات و بكل محل.. و اي عامل بيحقله يرفض العمل المطلوب منه اذا شعر انو خطر على سلامته او سلامة الاخرين.. و اكيد بالمستشفى نفس الشي

شو الدواعي الي بتوجب الرئيس على تدمير شعبو ؟؟ ليش طيب اش معنى يعني ؟؟
شو الدوافع تبع قتل مواهب الشعب وابداعاتو .. ؟؟
شو الدوافع تبع هزم الشعب داخليا ؟؟
لهقل ما عم لاقي دافع مقنع بيأهل حكومة نحو تدمير شعبها كهدف !!

اذا الشعب مبدع و ذكي و عايش بالبحبوحة.. فرح يكون عنده وقت يفكر بالأشياء الكمالية.. متل حق الانتخاب مثلا
بينما اذا الشعب مقهور نفسيا.. جائع... مقطوعة عليه الكهربا... مقموع سياسيا و اجتماعيا من قبل "الرموز".. فهوي بالتأكيد يا دوب رح يفكر كيف يطعمي ولاده و يمضي نهارو على خير.. مستحيل يفكر بأشياء كمالية متل انتخاب مجلس شعب او وزير او رئيس... بقى ليش حتى رئيس يدمر شعبو؟ خلي السؤال... ليش حتى ما يدمر؟

سلامات