اقتباس:
كاتب النص الأصلي : Fady007
قصدك الجينات يعني...
طيب اذا كان التكوين وراثه
وايضا البيئه والظروف المحيطه والنشأه وما الي ذلك متشابهين
وسلوك الشخصين مختلفين ...يبقي من خلق هذا الاختلاف؟
محير هذا السؤال...يعني ممكن اديكي مثال
اخين واحد منهم دكتور وغايه في الاحترام
وفي دماغه انه لابد ان لا يفعل اي شيء غير سوي
والاخ الاخر صايع ولا نفع منه وبيسكر وبيحشش وبيعمل كل شيء غير سوي
مع العلم ان الجينات الوراثيه متشابهه والبيئه والنشأه متشابهه ( دول اخوات )
رجع السؤال من تاني....
يعني ايه ما بيكون الغلط من التكوين الداخلي واصلا ما بيكون فيه غلط
اذن ما هو وجه الغلط؟...
|
هلأ منشان الجينات والوراثة مابظن انو الاخين بياخدو الجينات نفسها مع انو مشتركين بنفس الام ونفس الاب والا كانو الاخوة بيطلعو كلون نسخة طبق الاصل
يعني ببساطة ممكن واحد ياخد مورثات اكتر من طرف امه والتاني ياخد مورثات اكتر من طرف ابوه او حتى ممكن ياخد مورثات من جده العاشر
ومنشان البيئة هاندسم جاوب على هي النقطة
اقتباس:
كاتب النص الأصلي : handsome
هلق هوي بشكل عام مافينو الواحد يقول انو تنين عايشين كلشي نفس الشي ..
انو حتى هدول الاخين . تيناتون عندون نفس الاهل .. وعايشين بنفس الجو . بس في كتير اختلافات بيناتون ..
انو كل شخص عندو شخصية هيي بتكون متكونة من التجارب والمواقف الي عايشة .. يعني الاهل قالو للاخين انو ما ياكلو كيتشب مع البطاطا ... واحد بطل ياكل والتاني حس انو الكيتشب طيب وما بدو يتركو لانو ما قتنع بالشي الي قالو اهلو ... مشان هيك بيكون كل واحد منا مكون شخصيتو ( لا اراديا اغلبية الاوقات ) من ورا كتير شغلات صغيري صايرة معو مشان هيك بيكون كل مين مختلف ..
|
وانا بس رح وضحها شوي اكتر انو مثلا الولاد بس يدخلو الحضانة او الروضة او المدرسة كل واحد منون رح يكون عندو معلمة مختلفة عن التاني وزملاء بالصف مختلفين وهدول الون تأثير كتير كبير على شخصية هالطفل ورح يكون التأثير مختلف بين اخ والتاني
بالاضافة انو حتى ضمن العائلة رح تصير نفس الاحداث بس رح يكون الها تأثير مختلف بين الاخوة...... مثلا اذا صار حدث متل مرض او انتقال من مدينة لتانية او انفصال للاهل او اي شي من هاد رح يكون واحد من الاخوة عمره مثلا سنتين والتاني عمره خمس سنين وبالتالي استيعاب الاطفال للحدث وتأثيره على شخصية هالاطفال رح يكون مختلف تماما
وبالتالي مهما تشابهت البيئة بين شخصين بس بيضل في اختلافات هائلة