[ري مي]

شو رأيكم بالاعلام
المحلي .... بمعنى الثرثرة والصبحيات
المناطقي.... بمعنى التليفون وما يحمله من وجهات نظر + الحفلات والاعياد والسهرات وما يتضمنه كل منها من ثرثرات
الوطني..... يعني هون بيجي الجرايد بما تتضمنه من حكي جرايد+ راديو الدولة اللي نسبة الاستماع الو ضئيلة ومذيعينو يع + الراديوات الخاصة بما تحمله من دعايات مقززة واغاني هابطة + التلفزيون والاخبار المحلية والعربية والدولية
العالمي .... يعني الدش بقنواته المتعددة الاتجاهات + الانترنت بكل مواقعة المنيحة واللي مش منيحة



أنو كيف بتعرف اذا هالمحطة او هالبرنامج او هالخبر صحيح
لا تقلولي بيبين الصح من الغلط .... لاء كذب هالحكي الصح بعمرو ما بيبين


طيب ع أي أساس بتبني رأيك بقضية معينة
وقديش بيساهم الاعلام بتكوين رايك
طيب بلكي انت كونت رأي عن شي قضية نتيجة تأثرك بوسيلة اعلام وطلعت هالوسيلة غير كفء وانت مو عارف هالشي ... شو بيعرفك ... انت بعدين بتقتنع برايك وخلص يعني ... بينتهي الامر عندك .. لا ويمكن تتشبث برايك وتدافع عنو للعضم



أنا حطيت الموضوع بالسقيفة هيك لغاية في نفس يعقوب وبتمنى اذا ممكن من الادارة الكريمة انو يضل هون



أي ومسيناكم بالخير