[Hus]

بداية وتوضيح واستفاضة اكثر ...
نأخذ بالقياس .................

يتفق الكثير من المفكرين _وقد اتفق معهم_ ان للرسول محمد اخطاء تاريخية سواء في تحديد نهج دياناته وخطوطها العريضة او في نظم وسبل تطبيقها .. اودت بحال المسلمين اليوم نحو العقم الإجتماعي .. فبظل المعطيات الحالية للعصر الحديث الديانة الإسلامية _على المنهج والخط المحمدي _ لا تنفع بالوقت الحالي للقيام بالشعوب الإسلامية لمجارات ومواكبة باقي الشعوب .. وقد يرى الكثيرين كما ارى ان الحال في من سيئ لأسوء .. فالمنهج المحمدي _سواء كان سوء تطبيق او سوء تنظير فما يهمنا هو النتائج_ يشل ويجهض اي امل امام الأمم الإسلامية في الوصول للطليعة العالمية ..

طيب هذا ما بينفي اطلاقا _لي انا المسيحي_ ان احترم وبشدة محمد .. فما بالك بالمسلمين _سواء المتفقين مع ما سبق واشرت او لا_..
يعني احترام وهيبة الرموز لا تحسب بموافات نظرياتهم وافعالهم لكل زمان ومكان وانما تقاس بما قدموه في ظروفهم وفي حقبهم التاريخية ..

_دون ان اتطرق لرأي الشخصي في حال سوريا اليوم ومدى تأثير الأسد الإيجابي او السلبي فيه_ فحافظ الأسد هو رئيس لدولتي حكم 30 عام .. وانجز منجزات عملاقة على الصعيد الداخلي والخارجي ..
لو حنتطرق للإيجابيات والسلبيات في الميزان منخرج بتضارب كبير ..

لكن انا الي بدعو له هو احترام الرموز أي كان اتفاقي او اختلافي معها ...

انا عم اطلب تحطيم الاصنام اللي عبدونا ياها غصب عنا
انا عم طالب بانهيار رموز الفساد و النهب و اغتصاب الحقوق
انا عم طالب بحقي المهدور

في فرق شاسع بين التجربة الخاطئة والخطأ في التجربة ..
تجربة او فترة قيادة الأسد لسوريا في ال 30 عام لم تكن خاطئة جملة .. وانما هناك بها اخطاء ..
وطبعا من غير المنطقي نحصر الرموز بالكمال !! _ليش يوسف العظمي ما أخطأ !! ليش فارس الخوري كان كامل ........!!

ما سبيت ع الرئيس لا السابق و لا الحالي بس احترامي لألهم بيوقف على عدم السب فقط
يعني انا ما بسبهم لانهم بشر متلي و انا ما بحب انسب حتى لو كنت غلطان

هذا رأيك الشخصي وفي كتير ناس بتحترمو
بس انا لا اعتقد انو متلي او متلك متلون !!
كيف يعني متلك متلون !؟
شو رصيدك الثقافي والتاريخي والفكري الي بيحطك على قدم المساواة والرئيس الأسد !!

_برجع بنوه مجددا اني لست بصدد المحاكمة للشخصيات هون وللأعمال الخاصة بها ابدا .. بس لكل مقام مقال .. ولما بينقال الدنيا مقامات لا يقصد بها اليوم انو في سلطان عثماني وفي باشا_جزمة السلطان_ يقصد بها ان لكل رصيد يجب احترامه
فرصيد القباني الأدبي بيفرض عليي احترامه ولو كنت ما بهتم ولا افقه بنت شفة بالادب .. ورصيد احمد زويل العلمي بيفرض عليي احترامه ولو كنت لا افقه بنت شفة في الفيزياء او الكيميا التطبيقية .......

بعدين الرئيس الحالي بنفسو قال بدو يحطم تماثيل ابوه لأنو الشعب قرف منهم و لأنو هوي ما عندو فوبيا تعظيم النفس متل ابوه
ليش انت عم تدافع على هيك رموز بتحط من قيمتنا و قيمة صاحبها؟

انا ما كنت موجود لما حكى بشار بهال الموضوع .. كنت وقتها بالمطبخ عم باكل صفيحة
منرجع
انا ما ضد إذالة التماثيل .. تنشال او تفضل شي بيعود للبلديات والخطط المستقبلية لتطوير البرك والنافورات بالبلد .. بعدين بركي انزنقو على اسماء للشوارع .. يعني بتصير .. شو ما بيصير يخلصو اسماء كل قبضايات البلد .. بركي انزنقنا وبدنا انسمي شي شارع شو منسميه كريمبو مثلا يعني انا راضي ضميرك وزمتك .. هلق معقول شارع اسمو كريمبو !!!!!!..

بس انا عم بدعو لإحترام الرمـــــــــــــــــــــ ــوز

موضوع الاتفاق او عدم الاتفاق مع سياسة الرئيس صحيحة لما يكون في ظروف ديمقراطية
يعني لما يكون بيطلع بايدي شيلو و صير محلو

شو هال الحكي!!
بفهم من حكيك انك عم بتحض الشعب البريطاني نحو عدم احترام الملكة ايليزابيت !! (من باب يابا احنا ما فينا انغيرك هلق سو ما فينا نحترمك !! يا شيــــــــــــــــــخ )

ما في أي قانون او اي شي بيفرض احترام اي شخص اخر على الكوكب... ماني مضطر احترم حدا بنوب...

ما حدى مضطر على شي ما موضوعنا هو الإجبار وعدم الإجبار على أمر معين ..
بس احنا منوصيّ بشدة .. (منوصيّ الشعوب وليس الأفراد) بإحترام رموزها ..

ببساطة موضوع الإحترام و الهيبة و هل حركات بتشوه العلاقة الطبيعية المفروض تكون قائمة بين الأفراد و بتنزع عملية الإنتقاد الموضوعي يلي مفروض تكون مستمرة بدون توقف و بدون اي اعارة لأي مناصب... بلا رئيس بلا بياع فلافل

ابدأ ابدأ ابدأ .. الإحترام ليس حركة تشويه للعلاقة بين الأفراد وليست عائق في وجه الإنتقاد والنقد !!
الإحترام واجب لتنظيم العلاقة وتسهيل التعامل ..
انا طالب طب واذا بدي كون بعملية ويطلب مني البروفيسور بالعملية اربط الوريد فأنا رح بربط الوريد حتى ولو كنت على قناعة 100% انو ربطي لهال الوريد حيأدي لموت هال المريض او غيره .. بس انا من باب احترامي لتجربة وخبرة هال البروفيسور فبوسق فيه وبنفز بدون ما ناقش .. وهيك الحال .. بأي هيكلية تنظيمة .. متى فقدت الهيبة الهيكلية _هيكلية حزبية او سياسية او جيشية او اجتماعية او او _ متى فقدت الهيبة في الهيكليات فشلت الهيكلية في تطبيق اي اهدافها ..

بغض النظر عن اتفاقك مع حزب الله او عدمه .. لكن لولا الإحترام الهيكلي التنظيمي في صفوفه لما نجح بأدنى نجاح على اي خط ..
الإحترام الهيكلي واجب لتطبيق والوصول لأي هدف بشكل قويم ...........

وأن بئس الرؤساء هي الرؤساء التي لاتحترم شعوبها ..
كيف بدك الشعب يحترم رئيس دمروا .. وقتل كل مواهبوا وابداعوا .. وهزموا داخليا" .. رئيس عيشوا على أنو قلعة صمود .. وأكتشف الشعب بعدين أنو قلعة تهريج وديكورات زائفة .. رئيس شوه صورتنا كشعب أمام الكثير من الشعوب ..

قلي بالله .. شو في بين الرئيس وبين الشعب ..
في شي تار قديم شي ؟؟
في شي تصفية حسابات قديمة وما خبرونا عنها ..؟؟
شو الدواعي الي بتوجب الرئيس على تدمير شعبو ؟؟ ليش طيب اش معنى يعني ؟؟
شو الدوافع تبع قتل مواهب الشعب وابداعاتو .. ؟؟
شو الدوافع تبع هزم الشعب داخليا ؟؟
لهقل ما عم لاقي دافع مقنع بيأهل حكومة نحو تدمير شعبها كهدف !!

برجع بعيد في خطأ تم لكن الي تم مو خطأ !!
يعني
كان في اخطاء بالمرحلة لكن لم تكن المرحلة خاطئة ..

ما علينا ..
الي كان بدي قولو وقلتو شي الفين مرة بقالي انو الإحترام مالو علاقة بالإتفاق الإيديولوجي ..
الإحترام واجب منشان يمشي النظام وتمشي البلد ..