اقتباس:
كاتب النص الأصلي : سرسورة
بس انا على ما اذكر انو شفت اسم الحوت الاكبر في قائمة الفيحاء من كام يوم.  ...شكلو غير رأيو يمكن....و شاف انو لازم ينوع بالقوائم,,,,و الله يجيرنا من الاعظم.... |
اي صح، حمشو صار من قائمة الفيحاء
نتيجة خناقة طويلة عريضة بينو و بين دعبول... فترك قائمة الشام و انضم لقائمة الفيحاء
اقتباس:
معلم هاي ديعاي
واللي بدو يعمل ديعاي لحالو مشان يكسب اكبر عدد من الناس ما رح يتوجه للملحدين شي اكيد.
لانو اذا توجهلون المؤمنين رح يمسحو الارض فيه وما رح ينجح بالانتخابات.
|
على راسي الديعايات و المعارك الانتخابية الديمقراطية كلها...
بس ازا بتلاحظ انا ما حكيت عن المرشح "محمد حبش" يللي رافع شعار: انتخبوا صوت الايمان
يعني انو محمد حبش معروف بتوجهو الاسلامي المعتدل و اكيد رح يحط هيك شعارات
بس لما يجي خلدون المالح و يرفع شعارات الايمان، بتصير الشغلة مصخرة
مش هاد خط خلدون المالح
و خلدون المالح اسم كبير، ما بيحتاج لهيك ديعايات
اقتباس:
يعني كل يوم رح أضحك عليكون بطريقة شكل .. و بلون مختلف
اي ولله يا معلم .. يفشل
|
تماما....
و هالشي بيبين بليستة الشغلات يللي انو بدو ازا انتخبناه يكافحها
الفساد، البطالة، الفقر
يعني هوي عم يقول التالي: ازا كنت فقير، انتخبني، ازا كنت شريف انتخبني، ازا كنت عاطل عن العمل انتخبني، و انا لابس توب الصلاة و الورع، اي هلأ لبستو خصوصي لهالمناسبة
اما شو سبب انو رح ننتخبو.... يعني لأنو هوي ناوي انو يحسن الاوضاع من خلال تلوين احرف اسمو
يعني عنا ربع الشعب تحت خط الفقر، و خلدون المالح شو رح يعمل يا حزركم؟ رح يكافح الفقر...
اي و شارون كمان ناوي يكافح الفقر
و بوش ناوي يكافح الفقر
بس مدري ليش الفقرا عم يزيدوا
و طبعا شو رأيو بالسلام مع اسرائيل.... ما خصنا كناخبين
و شلون رح يكافح البطالة هي مو شغلتنا
و شلون رح يكافح الفساد هي ما النا دعوى فيها
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you