اقتباس:
كاتب النص الأصلي : krimbow
و مستغربة؟
يعني ألا يكفي ان يهدروا دماء المبدعين حتى انعتهم بالجحاش
يعني المفترض مني اني اعتبر اشخاص بيهدروا دم مرسيل خليفة لأنو غنى "انا يوسف يا ابي" بني آدميين؟
فعلا معك حق، وجب ان اعتذر للجحاش عن هاظا التشبيه الجائر، فالجحش ليس مجرما
لك آخ
لك مو بس هنن الجحاش، بل من يدافع عن جرائمهم مجرم اكثر منهم
|
هلق أنو مستغربة أي أكيد مستغربة .. لأني ( عسيرة المقدسات ) بشوف الأنسان أكتر قدسية انا متأكدة من وجودا ..
بفهم وجود تيار متطرف ديني .. بفهم أنو تكون بعض العقليات الدينية .. على درجة من الغباء لدرجة أنو تهدر دم المبدعين .. لأنو ببساطة هالفئة ( واللي ما بتمثل كل المتدينين طبعاً ) على الغالب بدون وعي بدون ثقافة ..مسيرة من قبل ناس تانيين .. ( شيوخ .. كتب .. تفسيرات وفتاوي .. كهنة.. كنيسة ) أيا تكن الجهة .. بفهم سلوكون بصراحة .. أكتر ما بفهم السلوك بالجهة التانية ..
اللي المفروض هني اختارو قناعة معينة والتزمو فيها واللي المفروض اختاروها عن وعي .. أنو يتطرفو هني كمان .. اللي المفروض طلعو خارج السلطات الدينية .. أنو بدل ما يكونو نواة اعتدال .. وشوية قبول لاختلاف الأخر .. بيصيرو متشددين من نوع تاني .. هدول مسؤوليتون أكبر ... لهيك برأيي غلطتون أكبر .
ناس مشغولة أنو تدحش الله بكل شي .. باللي بيتدخل وباللي ما بيتدخل فيه ..
وناس مشغولة انو تشيل الله من كل شي .. وتنزل مسبات وسخرية من المعتقدات ..
أي وبعدين ؟ ايمتى بدنا نبدا نعيش ؟؟؟؟؟؟
مين لازم وبأي مرحلة يقرر يكسر هالحلقة المفرغة من التطرف ؟
ما تقلي أنك ناطر من المتشددين دينيا ً ياخدو هالخطوة ؟
|