اقتباس:
كاتب النص الأصلي : krimbow
يا عزيزي يا وائل
كلامك كلو على عيني و راسي، و قريت جيدا جدا ما كتبت في موضوعك الاساسي، بس يا عمري، يعني في فرق كبير كتير بين ذاتك يللي ما فيي انكر وجودو إلا اذا كنت مجنون، و بين الذات الالهية
يعني، بين ادارة اخوية و بينك "اتفاق" انو تقوم الادارة بحفظ حقوقك و حقوق الاعضاء التانيين من عدم التعرض و المهانة داخل منتديات اخوية، و تم اثبات هالاتفاق بينك و بين الادارة بشكل مادي لما "ضغطت" مع سبق الاصرار و الترصد على زر "موافق" و حطيت اشارة صح بالمربع الخاص، و هالاجرائين الماديين اكدولنا موافقتك على انو تقوم الادارة بعملية حفظ حقوقك يللي صرحنا عنها
و لما يتم الاخلال بهالاتفاق من اي طرف، سواء طرفك او طرف الادارة، بيقوم الطرفين باتخاذ اجراءات لاعادة الامور لنصابها
يعني ازا حدا اهانك و الادارة ما تصرفت، انت بتحتج لدى الادارة و بتطالبها بتنفيذ الاتفاق، و اذا اصرت الادارة على موقفها بتترك المنتدى و بتخسرك الادارة
و كذلك لما انت تخل بحق حدا من الاعضاء، بتقوم الادارة باعادة الامور إلى نصابها بالتنويه و المخالفة و الحذف و حتى التوقيف او الطرد..... تمام لهون؟
بينما الذات الالهية، بعد ما نتفق انا و انت انو ما فيها توقع معنا هيك اتفاق إلا باعجوبة (و تأكد انو لما تحصل رح يكون الاخوية تحولت لمنتدى إلهي) فمين هيي الجهة يللي بتمثل هالذات الالهية و بيحقلها تتفق مع الادارة على حقوق الذات الالهية داخل المنتدى؟؟
المسلمين؟ المسيحيين؟ شهود يهوة؟ الهندوس؟ عبدة حلزونة مدغشقر العملاقة (الحلزونة هيي العملاقة مش مدغشقر)؟ مين ؟؟؟؟
مين؟؟؟
|
مين ؟؟؟؟ . كريم يا حبيب قلبي . عقيدتي جزء من حقوقي يلي لازم تحترمها و ما تتعرض الها بالاساءة بقصد . يعني من ضمن مجموعة هالحقوق يلي ادارة اخوية ملتزمة تحفظلي ياها هو حقي في اني ما اسمع او اقرا شتم للذات الالهية يلي بعبدها . هلاء انا عم طالب بذلك . و بفول و قالت انو من حق الجميع التعبير عما يؤمن به . يعني لكل الاعضاء الحوار في شتى المواضيع . يا اخي حاورني بعقيدتي . ما حدا قلك لاء لكن ما تحول حوار راقي لمجرد سباب و شتائم للذات الالهية يلي بؤمن فيها انا .
هلاء راح اعطيك مثال . قبل كذا شهر في موضوع عن داروين و مظرية النشوء و التطور . كان عم يحاورنا في احد المشرفين المتقاعدين بعتقد اسمو . جوي . مو كتير اله مشاركات بالفترة يلي قضيتها انا باخوية . لكن كنت بقمة انبهاري و اعجابي باسلوب حوي بالحوار . كان عم يحكي عن دراية و فهم اولاً ثانياً لم يسيئ بحرف واحد لعقيدتي اطلاقاً . و بعتقد انو هالموضوع كان من اهم المواضيع يلي ناقشت نظرية داروين و اصل النشوء .
يعني فيك تناقشني كيف مات بتريد يا كريم لكن بعيداً عن انك تشتم عقيدة بؤمن فيها انا لانو احترامك لعقيدتي هوي احترام لاهم حقوقي ممثلة بالايمان بما اريد . و هالحقوق متل ما تفضلت انتا الادارة ملتزمة بالحفاظ عليها لجميع الاعضاء .
اقتباس:
كاتب النص الأصلي : krimbow
أما عن التعجب، طبعا انا متعجب
يعني لما بتقول:
انت هون عم تحاورو
و هالشي (يعني الحوار معو) مرفوض
مرفوض لأنو في اختلاف جذري بوسائل الحوار
هالبني آدم فات قرا و قرر يلغينا من الوجود، و بعملتو ما اختلف عن يللي عم يفجر، يعني ضرب بعرض الحائط الامر الالهي يللي مشانو عمل عملتو و القائل "و حاوروهم بالتي هي احسن" هيك شي
خلينا نفترض اني حاورتو، طيب بالاخير ازا ما اقتنعنا بوجهة نظرو رح يعمل عملتو زاتا
|
انا ما عم حاوره كريم . انا عم احكي عن ظاهرة موجودة بالمجتمع العربي . هلاء وقت انتا تفترض اني عم حاور هالشخص بتكون عم تقزم الموضوع ليوصل لمجرد عمل قام فيه احد الاشخاص احتجاجاً على سلوك لبعض الاشخاص تم من خلالها اعتداء على عقيدته . انا ما عم احكي عن هالسلوك الفردي يلي قام فيه هذا الشخص . بل عم احكي عن ظاهرة موجودة بالمجتمع العربي و سلوك هالشخص هوي مجرد صورة صغيرة لهاي الظاهرة .
عملت هالموضوع لعبر من خلاله عن قناعاتي ممثلة باني برفض منطق الاقصاء و تكميم الافواه . و بقول انو من حق الجميع ان يعبر عن قناعاته . و انو طالما جميغنا نؤمن بفكرة الحرية و انو الحرية نسبية فلابد ان تنطلق حريتنا للحد الذي لا نعتدي فيها على حقوق الاحرين و على عقائدهم .
هون ما عم حاوروا لانو وقت كان اسلوبه ممثل بالطريقة يلي تعامل فيها بعتقد انو هالبشخص مو من الناس يلي ممكن تحاورها . انا عم عبر عن قناعتي فقط بخصوص هالموضوع .
بتمنى كريم تتفهم موقفي و كلامي و انتا يمكن من اقرب الناس هون يلي بتعرف كيف بفكر
مشكور كريم على حوارك 
شفت ليش بحب اخوية 
إن تراب العالم لا يغمض عيني جمجمة تبحث عن وطن!
19 / 6 / 2007
|