حلو كتير طرحك مرسيل . انا ما طالبت بتقديس (الأشخاص ) أنا عم طالب بعدم التعرض لقيمة بيأمن فيها جزء مهم كتير من هالمنظومة . بقصد هون المؤمنين أيا كانو مسيحين و مسلمين .
شغلة كتير مهمة بطرحك مرسيل بعتقد انك عم تتجني علي بكلامي وقت قلتي اني بطالب بإقصاء الملحدين . انا ما طالبت بذلك اطلاقاً بل على العكس تماماً عم قول انو للجميع الحق في طرح وجهة نظره ايا كانت لكن دون التطاول على قيمة بأمن فيها او بتأمني فيها . يعني فيكي تناقشيني بعقيدتي . اكيد ما راح اوصل لانك تسلمي ولن تصلي لاني أصبح مسيحي . لكن ممكن كتير نلاقي نقاط مشتركة بينا نلتقي حولها .
تماماً مع الملحد ممكن لاقي نقاط اتفق معه عليها .
كل يلي عم طالب فيه احترام لقيمة بيأمن فيها شريحة مهمة بهالمنظومة . متل ما بيتبه العضو وقت يشتم عضو اخر . يتنبه وقت بيشتم قيمة و عقيدة بيؤمن فيها( أعضاء ) خصوصاً انو التطاول بيكون لاجل الاستفزاز مرسيل و انتي شفتي كيف بتصير هالمواقف هون .
اما جملتك الاخيرة انو الذات الالهية لاتحتاج لنصرة البشر . كمان الحرية يلي عم ندافع عنها لا تحتاج لنصرة البشر . وقت نفترض انو الحرية إله عند البعض . و الديمقراطية يلي قرفنا و احنا عم نحكي عنها لا تحتاج لنصرة البشر . لانو الحرية و الديمقراطية قيم مؤمنين فيها و مزروعة داخلنا . تماماً متل الذات الالهية قيمة مؤمنين فيها و مزروعة داخلنا .
مرسي لمرورك مرسيل على هالمنظومة  قصدي الموضوع 
إن تراب العالم لا يغمض عيني جمجمة تبحث عن وطن!
19 / 6 / 2007
|