[وائل 76]

كاتب النص الأصلي : كوستا

تسلم يا وائل
ورايحين على المنبر نكمل المشوار

قبل ما قلك سبب القرار بدي قلك انو انسانة مو انسان
اما السبب انو انا تعرفت على انسانة هون بالاخوية وحسيت بوجودها قدامي وتعرفنا بعدها شخصي وطلعنا مشاوير ولمست انو في كتير شغلات مشتركة بيناتنا
وعلقت فيها وهي كمان كانت صريحة معي وعلقت فيني
هلأ كل انسان بحب يحكي شي لاحد الناس يللي بيثق فيهون
وكان في شخص اثق فيه هون بالاخوية ومعتبرو متل اخي ورحت حكيتلو او بالاحرى سريت الو
ولما حكيتلو انبسط بالبداية وبعدها اكتشفت انو هو عم يحكي معها ..... لانو ما خبرني من الاول
وصار انو لما عرف بالقصة صار يلعب من وراي لعبة حقيرة ليحقق رغبات عندو
بس مع الاسف لما حكيت انا بصراحة كل شي واكتشفتو كان موقفها مني سلبي كتير
بعترف اني غلطت معها وحكيت شي من خصوصياتنا انا وهي بس ما قدرت السبب
ومشان هيك انا قررت اني اترك الاخوية لانو ما بدي كل ما تشوف رد الي او تقرا اسمي تتذكر غلطتي

فرحتني كتير اي والله كتير فرحتلك يلي صرت متلنا وتحب كمان ولي على عمري انا كوستا بيحب هاي فعلا مفاجئة 2006
هلاء يا معلم بما انو انا رجال خبير بالنسوان وعندي خبرة شي نصف قرن من الزمان مع النسوان بدي انصحك نصيحيتين
الاولى ما في انسانة بالكون كله بتستحق انك تضحي لاجلها بشي طبعاً هون كل نسوان الكون سواسية ما عدا طبعاً يلي ببالي هاي بس من النسوان يلي الواحد بيستحق يضحي لاجلها اما الباقي فإنسى ما بيستاهلوا
النصيحة التانية ما في شي بالكون بيحرق الانسان اكتر من صديق ندل انا حاسس فيك وحاسس بالمرار يلي عم ياكلك لانك اكتشفت انو اختيارك كان غلط وقت يلي أمنت لانسان ندل مع احترامي الشيد الك
لكن هون الندل ما بنهرب منه ولا بنكون افل واضعف منه الندل يا نبيل بنبقى لاجله وبناضل لاخر نفس فينا مو بالضرورة يكون هدفنك انها ترجع المياه لمجاريها لاء انتا انسان حبيت والحب احسس كتير نبيل ورائع بس الاهم بالحب انك تحافظ على الانسان يلي حبيته حتى لو ما راح تلتقيوا بيوم من الايام حبك بيفرض عليك واجب واجبك هو انك تحافظ عليها من الندل يلي عم تحكي عنه لانو هو لما فكر يبعدك عنها كان اله هدف دنيئ متله
بقى يا مناضل يا ثوري كنت بدك تهرب وتتركها لندل يحقق افكاره يلي خطط الها
هيك انتا صفيت انسان لا تفقه شيئ في معنى الحب والتضحية ببقى اعطيك كم درس لوحدنا لانو محسوبك حبيب قديم من ايام نبوخذ نصر وانا عم حب
نبيل ما بدي كتر حكي هون لاني ممكن خرب الكون
بقلك كلمتين صغار افهمهم وحطهم براسك ما بتكون رجال ولا بتستحق انك تحمل اسم نبيل لو بتسمح للندل يدمر حياتك او يدمر حياتها حتى لو ما راح تلتقيوا بيوم من الايام واجبك انك تحافظ على حبك وعلى حبيبتك حتى لو تطلب الامر اي شي بيخطر ببالك
هاي المسلمات يلي بأمن فيها عندك استعداد تفهمها بتكون نبيل يلي بعرفه وانا واثق اني يوم ما صاحبت نبيل كنت بعرف اختار صح برغم انك باقصى اليسار وانا باقصى اليمين لكن شفت فيك اشيا ما لقيتها بكتير ناس من يلي متلي من اليمين المحافظ
بتمنالك القوة والجبروت وانك تبقى مناضل حر متل ما عرفتك



افتح اخت المسنجر قبل ما اهكره الك هلاء