[تالين]

صباح الخير
سؤال حلو كتير
بس انا مافيني اطلب او استنى من الناس انها تحبني اذا اصلا انا ماعم حب هناس
طبعا في ناس بتئول لا انا بحبك ولو انت مابتحبني مسلا لانو الله اوصى انو نحب بعضا البعض هشي صح
بس كمان مالازم ننسى انو الحب ئلو انواع مسلا حب الرجل لمرتو غير حب الام لابنها يعني الام بتحب ابنها لو كان هو ئاسي ويمكن بيعزب امو و بتحس انو مابيحبها بس بيضلو هو ابنها رح تحبوووو اكيد بس الزوجة مسلا اذا زوجها ماعاد حبها او ئسي عليها يمكن ماتحبو هيي كمان
وانا بفضل اني حب الناس وطبعا انحب كمان لانو يلي بيعطي شي هيك طبيعة الانسان بيحب انو ياخد شي مئابلو يعني يتكافئ بشي بس طبعا مابئول اذا فلان مابيحبني بكرهو لا لانو احيانا بمحبتي ئلو يمكن خليه يحبني ويحس انو ليش لحتى يكرهني
يعني بفضل حب الناس انا حتى لو مابيحبوني لانو الناس بتشوف الظاهر بس ربنا بيشوف القلب وجوات الانسان وانا مابستنى مكافئة البشر ئلي شو بستفيد انا ماحبيت الناس لا بفضل اني حبهن انا وبتالي وئت كون عم حب الناس شي طبيعي اني كون محبوبة من فئة من الناس يلي اصلا هي بتهمني وبتعرف شو معنى كلمة محبة او حب
بـــــــــ تالين ـــــــــاي