اقتباس:
كاتب النص الأصلي : Zahi
ويتلذذ في ( ملياراته ) التي ورثها عن والده الرئيس الراحل حافظ الأسـد أحد أغنياء العالم السبعة
|
عفواً أخ زاهي ... بس هاد كلام ساذج للغاية
و إذا كان عندك مصدر موثوق لمعلومتك يا ريت تحطوا ، عالقليلة منكون عرفنا شي جديد وكتير مهم
اقتباس:
|
يقبع في قصر المهاجرين ، معزولاً عن العرب ، وعن الغرب ...ينتظـر قرار المحكمة الدولية ..وما أدراك ماالمحكمة الدولية !!!
|
الأخ جو رد على الناحية و قلك إنو سوريا قلبت الطاولة على أميريكا وحلفائها
و بالفعل سوريا دخلت بالعبة و عم تلعب صح
و مشان القعدة بالمهاجرين و العزلة عن "معظم العرب" ف عنجد أريح
العرب ما من وراهم غير وجع الراس و المؤامرات و الأفكار الطائفية المريضة من قبيل هلال شيعي غيرو
ويمكن الحلف مع أي دولة عربية ما بيصمد ثواني قدام إتصال من كوندا رايس "مو بوش هه"
لك بزمانو هاد المسكين رئيس اليمن فضح إحدى القمم العربية و قال بلقاء مع قناة عربية رداً على السؤال المعروف و المعتاد بعد القمم العربية البالية :"ما هي أسباب فشل هذه القمة؟؟!!"
قال علي عبدالله صالح إنو أميريكا وزعت ورقة على وزراء الخارجية"هدول بيجتمعوا قبل كم يوم من القمة مشان التحضير يا بعدي" و هي الورقة محدد فيها المواضيع اللي لازم تنذكر بالبيان الختامي للقمة
وكان في موضوع فلسطيني ساخن ما بدا ياه ينذكر ، مشان هيك في دول رفضت هالشي ودول ما اعترضت"يعني أيدت" و بالتالي ما قدرنا نعمل بيان ختامي
لك طز بالعرب يا زلمة ، صاروا بلا حتى ذرة كرامة...
أما العزلة عن الغرب فبتوقع إنو تقرير بيكر الأخير و تصريحات زعماء أوروبيين كبار و حتى تصريحات من أميريكا نفسها بضرورة فتح حوار مع دمشق ... بيثبتوا إنو العزلة كانت خاطئة وممكن تنتهي بوقت قريب
اقتباس:
أن الرئيس السوري بشّار الأسد يضع أربعـة شروط واضحة لسحب يده من العراق وللابتعاد عن إيران، ألا وهي حسب الأولوية التي وضعتها القيادة السوريّة):
1- الحصول على تعهد دولي بالتوقف عن العمل لقلب النظام.
2- ضمانة دولية بعدم ملاحقة أي من أركان النظام في إطار المحكمة الدولية التي ستحاكم قتلة رفيق الحريري، حتى إذا توصل التحقيق الى إدانتهم؟!..
3- تكليف سورية بفرض الاستقرار في لبنان.
4- الانسحاب الإسرائيلي الكامل من الجولان. (طالع التفاصيل على الصفحة 8 من هذا العدد نقلاً عن الايكونوميست) .
|
من قبل قصة الحريري كنا نسمع عن هيك قصص من إيام حافظ الأسد
ما في شي جديد
أحياناً بيحطوا الجولان وأحياناً بيشيلو مع تخريفات عن ضمان لجوء سياسي بعد سقوط النظام
يمكن الجديد بالسنوات الأخيرة هوي العراق , باعتبار إنو النظام سقط و صدام عم يتحاكم
لكن بتبقى برأيي إنها تخريفات مالها قيمة ، يعني شغل دعاية مو أكتر.
أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______
في حضرة الإمبراطور اليوفي و الأسطروة دل بييرو .. يركع الملكي المدريدي
______
احذروا قناة العربية
لأنها قناة حريرية عبرية أميريكية سعودية قذرة
همها الأوحد تشويه صورة سوريا العظيمة