[ألف]

سلام
صرلي فترة عم فوت على (حوار الاديان)ووصلت لنتيجة هي رأيي الشخصي اللي فيكم توافقو عليه او لأ
برأيي حوار الاديان مااله معنى اوهدف ....مجرد مضيعة وقت وما ممكن يوصل لاي هدف والسبب هو :
المسيحيين ما ممكن يتخلو عن فكرة الوهية المسيح وقيامه بعد الموت لان المسيحية مابتنوجد بدون هالافكار
والمسلمين ماممكن يقبلو الافكار السابقة لانه بقبوله فيها ما بيضل في حاجة لرسالة محمد
ليش ما بنقبل ببساطة كوننا مختلفين ؟؟؟؟ وليش ليكون هالاختلاف مشكلة ؟؟؟
شو الشغلة الكبيرة اذا انت كنت مسلم وانا مسيحي؟؟؟
انا ما بؤمن بمحمد وانت ما بتؤمن بالوهية المسيح.... هاد مجرد ايمان شخصي ولازم ما يأثر على علاقتنا الانسانية

اذا اي شخص حابب يتعرف على المسيحية لازم يدور على هالشي بالمسيحية نفسها ونفس الشي بينطبق على الاسلام.... وبعد هيك فيه يقرر يكون مسيحي او مسلم او بوذي او ابصر شو
السبب اللي دفعني اكتب هالشي انه هالمنتدى بطل حوار الاديان .... وصار خناقات الاديان

بتمنى كون ترجمتها صح