[الحاج متولي]

كاتب النص الأصلي : عبق الخليج

الأخت بنوتة حلب موضوعك حلو وجرئ وبيقابل فيه الشاب مع البنت وجها لوجه....أنا راح أسأل سؤال للشاب وياليت يجاوب بصراحه ..1-هل يوافق الشاب على الزواج من بنت لها ماضي ؟؟؟واللي بيجاوبوا بنعم أو لأ ... ياترى ليش تختلف اجاباتهم هل حدة صفات الرجل الشرقي تختلف من رجل الى أخر خصوصا في موضوع مثل هذا؟؟

أنا رح جاوب على هادا السؤال وهو في الحقيقة سؤال حلو كتير ومهم وبشكرك كتير عليه
أنا برأيي إذا كان الشاب من النوع المتفهم وبيحب الفتاة يلي بدو يرتبط فيها وواثق إنها إعترفت إلو بالعلاقة الماضية (مهما كانت هالعلاقة) فهون مارح يكون في مشكلة بالأخص إذا كانت تصرفات الفتاة معو بتدل على الحب...... والإخلاص في الحب و تصرفاتها يلي بتدل على ندمها على الماضي ...
أما إذا كان الشاب من النوع الغيور كتير ومن النوع يلي مابينسى فهون عنا مشكلة كبيرة كتير لإني إذا وافق على الزواج منها رح تتحول حياتهن بعد فترة قصيرة إلى نوع من الجحيم يلي رح يتكون من ظنون وشك مارح يخلص منو بنوب ولا حتى إذا إجتمعوا كل الأطباء النفسانيين لمعالجتوا..من شان هيك مابدو ياها
أما إذا ماوافق فأنا برأيي إنو بيكون عمل عين العقل وتصرف التصرف الصح بس لازم كمان مايخاول يطور العلاقة بينو وبينها كتير ولازم ينفصل عنها بطريقة أدبية ومحترمة بدون ما يجرح شعور البنت لإني أنا برأيي مهما كانت المشكلة فبتبقى البنت هية عبارة عن إنسانة من لحم ودم ومافي إنسان مو معرض إنو يغلط و المطلوب مننا نحنة كمان مانصير حكم ظالم على إنسان أو إنسانة غلطوا في لحظة ممكن نحنة نغلط فيها.....هادا إذا كان الغلط كبير
أما إذا كان الماضي هو عبارة عن تجربة حب فاشلة راحت بحال سبيلها....فهون أنا برأيي إني هي مشكلة عادية ممكن كتير تصير هالأيام وبرأيي كمان إني صرنا في مرحلة متفهمة لهادا الموضوع بس مو لدرجة كافية خاصة في مجتمعنا الشرق أوسطي
آسف للإطالة ........ ...بس راجعلكن يا بنات حوا... ...يامجننين الشباب
تحياتي
الحاج متولي