[الموسيقار]

كاتب النص الأصلي : xena

إلي رجعة عالموضوع بعد شي يومين ... بكتفي هلأ ببعض الملاحظات
أولا مستر رمشتاين :أنا حاولت لاقي رد واحد بس إلك فيو نقاش أو حتى معلومات أو حتى أي شي إلو قيمة ... بس ما لقيت . كلامك بيركز بس عالهجوم و المسخرة و تقليل الاحترام و بنصحك نصيحة ... احترم غيرك مشان تصير محترم و ما ضرورية المسخرة لأنا دليل ضعف...لاحظ لهلأ أنا ما غلطت فيك ...
المهم منرجع للموضوع ... المعارضة ممكن تكون إيجابية أحيانا ... نحنا ما بدنا أمريكا أو أي حدا حتى ييجي يعلمنا الديمقراطية ... لسا في عنا عقول بس مختفية شوي . بعدين نحنا ما عم ننتظر الفارس الأخضر الملثم و الصنديد حتى ييجي ينقذ هالبلاد .. نحنا منؤمن بشي واحد بس اللي هوي حق الشعب بحكم نفسو و تقرير مصيرو يمكن يكون شعبنا معظمو بسيط ما عندو ثقافة بس مع وجود الديمقراطية و التحرر (طبعا مع حدود) رح يصير بستوعب هالمصطلحات و تصير جزء من حياتو ... نحنا ما رح نقول أنو ما ممكن نحكم نفسنا بنفسنا لأنو شعبنا ما خرجو .. إذا ضلينا عم نقول هيك بعمرنا ما رح نتطور .. يعني منبلش فيا و بعد وقت (أكيد رح يكون طويل تقريبا شي قرن أو تنين) رح نوصل للحكم اللي بدنا يا .. بس أنو فورا تتصلح الدنيا و نصير متل أوروبا فجأة هادا طبعا شي مستحيل بس عالأقل منكون خطينا أول خطوة ما واقفين عم نستنى المنقذ أو المهدي المنتظر ... كل بلد متطورة ما وصلت للتطور فجأة , لازم نطلع درجات السلم كلا لأنو إذا نطينا منوقع ... بس لازم قبل بنلش نطلع بالسلم بس نحنا لهلأ واقفين مكانك راوح ...

برأيكـ واقفين مكانكـ راوح ... ليش ؟

رح تقوليلي من النظام ..


يعني لأيمتا بدنا نضل نلعن ونسب بالنظام .. ونحن لساتنا عم نكب الزبالة من آخر طابق ؟

رح تقوليلي مالها علااقة ... بس كل شي في ناس بيفهمو .. وألفوا كتب .. قالوا أنو إلها علاقة .

بعدين أنا ما عم قول أنو المعارضة رح تجيب أميركاا.


في كتير ناس معارضين أشرف من الشرف ..

بس غلط .. الطريقة .. غلط