[فلاش باك]

اول شي صباح الخير للجميع
تاني شي يبدو انو فعلا في مشكلة كبيرة صايرة بأخوية
وانا كعضو عادي بدي احكي رأيي بالمشكلة , يعني بدي اوصف المشكلة وبدي اعطي رأي للحل اذا بدكن

خلينا مبلش من الموضوع هادا او مجموعة المواضيع المتشابهة يلي بتحكي عن الادارة والامناء والاشراف والتنسيق
وانا هون بدي احكي عن تجربتي بأخوية كمان
هلئ اول شي انا ماعندي اي مشكلة او ما اصطدمت مع اي شخص من الادارة وصولا الى المنسقين.
وكلامي موجه للأخ حسام او (هاس ) واسمحلي ناديك اخ وهي كلمة مشتقة من المنتدى تبعك (أخوية) والاهم من كل هاد انو كلمة اخ اصدق من اي تعبير تاني .

اخ حسام يعني انا بستغرب منك يوم بتشوف مشكلة بتخص احد اعضاء الادارة وانت ماحاولت انو تعالج الموضوع حتى ولو على سبيل النقاش

يبدو انو قسم كبير من الاعضاء عندو مشكلة مع الامين كرمبو بأكتر من موضوع واكتر من شكوى ,
حاولت تعرفعن شي عن الموضوع وتحط حد للمشاكل ؟

طيب الشغلة التانية والاهم هي تعيين الادارة من الامناء وصولا الى المنسقين
وهادا صميم المشكلة
المشاكل زادت صراحة بعد ما تم تعيين منسقين جداد, والسؤال القديم تبعي يلي انت ماجاوبت عليه بهداك الموضوع ييلي هو هاد http://www.akhawia.net/showthread.php?t=62408&highlight=%E3%C8%D1%E6%DF

وبرجع بسأل نفس السؤال هلئ
شو المعيار او التقييم او الترشيح او ...........الخ يلي صار عليه اختيار المسقين ؟
يعني هل هو على عدد المشاركات
هل هو على تاريخ الانتساب (الاقدمية )
هل هو على الوجود الدائم بأخوية
هل هو على نوعية المواضيع والمشاركات
هل هو على الحسابات الخاصة (الشللية )


يعني حاولت فسر لحالي انو اي طريقة تم اختيار المنسقين , فوجدد انو هي اولا على الحسابات الخاصة(اصدي على الشللية وليس طائفية) وتانيا على نوعية المواضيع والمشاركات وكمان حسب الزعلة يعني في منسقين قرر انو يتركو بعدين رجعو وصارو منسقين (مدري ليش حسيتا هالشغلة متل جائزة ترضية )انو لاء حبيبنا وين رايح؟ تعال ورجاع ومابتكون غير رضيان , يعني اذا شفنا المنسقين الجداد منشوف انو هنة على نفس اللون ونفس الوتيرة وكلن بيعرفو وانا مو ضد انو يعرفو بعض بس ما انجاب شخص من الغرب وشخص من الغرب وشخص من الشرق مشان تكتمل الصورة

سؤال لهاني ولجاد ؟

انا بحترمكن كتير بس ياريت تجاوبوني بكل صراحة على سؤالي وهو
في شي منسق ماكنتو بتعرفوه قبل مايصير منسق ؟


بدي وضح شغلة مهمة كتير انا بكن كل الاحترام لجميع المنسقين الجداد ومافي اي مشكلة مع اي منسق فين بالعكس في منن بحترمن كتير وبقدر تعبن على اخوية وفي منن بحترمن كتير بس يعني والله مو خرج يكونو منسقين وفي ناس اجدر منن انو يكون منسقين لا بل مشرفين ورح اعطي اسماء( من منظوري الشخصي )

بالنسبة للبنات
لادويسا
نيرفانا (السورية ) يعني يلي اسمها بالعربي
نيرفانا (الاردنية ) يعني يلي اسمها بالانكليزي
kamikaze
LaDyInReD
وايت روز
غزول
ري مي
The morning

وفي كتير كمان وبعتذر من يلي ماذكرت اسمن

بالنسبة للشباب
وائل 76
صياد الطيور
المستحيل
مستر سامو
Liu Kang
فلسطيني للأبد
مسطول على طول
ابو عبدو تفاحة

وهدول الاسماء ان كان للبنات او للشباب انا مابعرف غير البعض منن اما الباقي يوم بشوف مواضيعن او مشاركاتن بأي موضوع بتكون على قدر كبير من الثقافة

طبعا في من هدول الاسماء كانو مرشحين انو يصيرو منسقين (هادا الحكي بعرفو ) والباقي


ومنرجع لموضوع الادارة
في لينك قيدم بدي حطو هلئ وهي عبارة عن جلسة صراحة بين الاعضاء وبين الاخ حسام


وبقول فيه الامين الحالي كريمبو الاتي :

السؤال : كيف بيتم تعيين المشرفين؟؟؟ يعني في مراحل معينة و في اساسات و في مزايا عند المشرف ليتم تعيينو؟
و الاهم من هيك ... اذا المشرف صار مشرف خلص بيتم مشرف للأبد ؟؟؟ و اللا في خطوط حمرا لما بيتجاوزا بيبطل مشرف او ظروف بتوقف المشرفين؟؟؟
وهادا اللينك ومشاركة كريمبو هي رقم 10
http://www.akhawia.net/showthread.php?t=8946

بتمنى من الكل يشوفها وبتمنى من الاخ حسام يجاوبنا هلئ مرة تانية عن السؤال

اما بالنسبة لأعضاء الادارة
وخلينا نبلش بالأمناء اول شي
يعني انا مابشوف غير كريمبو وسيزاروحشت نشت مجود يلي بفوتو على اخوية بشكل اسبوعي ,وفي امناء اي والله اول مرة بسمع بأسمن اليوم
المشرفين
يعني مافي غير هاني وجاد يلي يبدخلو بشكل يومي اما البقية هادا يلي ترك وهادا يلي سافر وهادا يلي راح على الجيش
طيب كيف بضل قسم من دون وجود مشرف او امين ؟
وهي منرجع لموضوع الحسابات الخاصة

المنسقين حكيت عنن قبل شوي بس بدي ضيف ان انا عندي بعض التحفظ على البعض مابدي احكي اكتر من هيك مشان محدا يصطاد بالمي العكرة

اما بالنسبة للحلول فهي رح اتركا هلئ لشوف رد الاخ حسام مع انو الزميل المنسق جيمس اقتبس رد عن الاخ حسام وهو مفهوم شو فحوى الرد تبع الاخ حسامانو مارح يرد ومع هيك حبيت احكي هالحكي مشان بري ذمتي قدام جميع الاعضاء

تحية للجميع
وحاولت كون موضوعي بحكيي لأبعد الحدو وكون بعيد عن التجريح
ومع هيك بتمنى الرد من الجميع

سلامات