[الحاج متولي]

هلق خلينا نكون شو صريحين
كل واحد فينا عم بيقول كرامتي كرامتي كرامتي وبس ....والكل بيدعس على قلبوا كرمال كرامتوا ماتنهان...و الله يلي بيسمع هيك بيقول عنا رجال مابتهزا جبال .. ..وعنا نسوان بتاكل حجر الصوان
لك عيوني وين كرامتكن يوم يلي شقفة موظف بالبلدية حقو فرنك مابيعرف يتشطف ..بيلككلك المحل كرمال 500
وين كرامتكن يوم يلي الدكتور بالجامعة ما بينجح الطالب بالمادة تبعو لياخد المبلغ المرقوم أو بتشتري كتاب لإلوا بيكون مألفو ومو رايد حدا يقراه لتفاهتوا..أو ما بينجح طالبة معينة إلا لياخد منها يلي بدو ياه
وين كرامتكن يوم يلي بتوقفوا قدام قاضي بالمحكمة وإنتوا مظلومين ومابتقدروا تحكو كلمة قدامو أو تعترضو على حكموا الظالم إلا إذا كان عبترشوا مصاري لإلو أو لمفتاحو
وين كرامتكن يوم يلي بيوقفك شرطي مرور وبيقلك إنته مخالف ومابتكون مخالف بس بدو يخليك تكره عمرك بس منشان يكمل الغلة
وين كرامتكن وقت يلي بتشوف أرضك عم يغتصبا واحد كان شغال عندك بالإجرة وبيشلحك إياها تحت شعار (الأرض لمن يعمل بها) وبيرشرش يلي بدو يساعدو على إغتصابها
وين كرامتكن يوم يلي بتشوف كرامة الأمة العربية عم تنهان وإنته واقف على باب السفارات من شان فيزا لبلد بدك ألف كفيل وألف مستند من شان يعطوك إياها يلي في الوقت نفسو بلدك بتعطي تأشيرة الدخول لمواطن البلد التانية بالمطار
لك حاج كل واحد يقول كرامتي كرامتي ...نحنة المشكلة مو شايفين كرامتنا إلا مع إنسان أو إنسانة حبنا وحبيناه...قال شو بدعس على قلبي من شان كرامتي ....ونسيانين إنوا للأسف مو صفيان من كرامتنا غير ...................... خليها لبعدين
تحياتي للجميع