مرحبا حكيم
كلامك مزبوط
قرا كل ردودي شفتني شي يوم سبيت ع الرئيس؟ او تهكمت عليه؟
انا عم اطلب تحطيم الاصنام اللي عبدونا ياها غصب عنا
انا عم طالب بانهيار رموز الفساد و النهب و اغتصاب الحقوق
انا عم طالب بحقي المهدور
ما سبيت ع الرئيس لا السابق و لا الحالي بس احترامي لألهم بيوقف على عدم السب فقط
يعني انا ما بسبهم لانهم بشر متلي و انا ما بحب انسب حتى لو كنت غلطان
بس هنين غلطوا كتير بحقنا و المشكلة انو غلطو بشكل مقصود و منظم
تأكد انو مو من حقي اني سبهم بس من حقي اني اطلب محاكمتهم او حتى اعدامهم و تعريف العالم كلو بجرايمهم
التمثال بينعمل لشخص منفتخر فيه متل يوسف العظمة او فارس الخوري،
بشو بدك ياني افتخر بالرئيس حافط؟ بالجولان يللي طار و اللا كيليكية يللي نسيناها و اللا يللي صار بحماه و اللا يللي صار بلبنان؟
بعدين الرئيس الحالي بنفسو قال بدو يحطم تماثيل ابوه لأنو الشعب قرف منهم و لأنو هوي ما عندو فوبيا تعظيم النفس متل ابوه
ليش انت عم تدافع على هيك رموز بتحط من قيمتنا و قيمة صاحبها؟
موضوع الاتفاق او عدم الاتفاق مع سياسة الرئيس صحيحة لما يكون في ظروف ديمقراطية
يعني لما يكون بيطلع بايدي شيلو و صير محلو
اما بوضعنا ......
انت واعي و بتعرف يللي عم يصير بالبلد و بتعرف اكتر انو الشعب متاكل حقو
و انو يللي اكل حقوقنا محتمي بهالتماثيل و عم يحميها بعلاقة عضوية قائمة ع المنفعة
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
|