[امرأة من ورق]

كاتب النص الأصلي : بنوتة حلب

وعلى حكي امرأه من ورق

انو يا امرأه من ورق الرجال لما بيدخل يقلبو الشك ان كان صارحتو بفترة الخطبة
او بعد الزواج رح يبقى للشك الو مطرح
يعني من رايي انو هي ما تفتش بماضية
حتى هو ما يفتش بماضيها

لانو الماضي لسا لا هي موجودة بحياتو ولا هو كان موجود بحياتها

فا مفس الشي ان كان قبل الخطبة ولا بعد الخطبة
بس ممكن انو تسالو على رايو بالبنت الي بتفتش بماضي خطيبا او حبيبها مو جوزها ها بتفرق
وهو لما بيجاوبا هي بتعود بتقلو رايها بالشب الي بيفتش على ماضي حبيبتو او خطيبتو
وقتا بتقلو انتو شو بتحب تفتش ولا ما بتحب بس طبعا بعد عدة مناقشات
يعني الحياه كلها على بعضها اسلوب المهم الواحد يعرف كيف يوصل الفكرة لا التاني بدبلوماسية
انت بتاخدي الحكي الي بدك اياه وهو بفكرو انو عم يناقش سؤال انسالو من خطيبتو او حبيبتوا

هههههههههههههه سياسه عمووووو

انا ماني معك بهي الفكرة
ليش؟؟ اول شي انو الشخص الشكاك رح يكون شكاك بطبعو يعني بدون مايعرف اي شي عن ماضي او حاضر شريكو (او شريكها) رح يضل شكاك يمكن لانو هوي مخبص حياتو كتير او لانو شايف من اشخاص تانيين تخبيص كتير او لاسباب تانية رح يشوف انو مافي انسان مخلص بالكامل وبالتالي ممكن يشك بكل الاحوال

اما عن فكرة انو المصارحة تمت قبل الزواج او بعدو فهي برأيي كتير مهمة لانو لما بتم المصارحة بعد الزواج رح يصير في احساس انو الشريك غشو لحتى علق العلقة الكبيرة واللي هيي الزواج وصار التراجع صعب....... اما لما بتم المصارحة بفترة ماقبل الزواج يعني الخطبة او التعارف رح يحس بالثقة يعني انو الشريك وثق فيه وحكالو لما لسه في مجال للتراجع السلمي وبالتالي هون اما انو رح تنعدم الثقة (وبظن حالات قليلة هون رح تنتهي هيك ورح تنتهي العلاقة معها) او انو رح تنبنى الثقة على ارضية قوية ورح تدوم طول العمر

وبالنهاية برجع باكد على فكرة سبق وقلتها انو الماضي ممكن باي لحظة ينكشف عن طريق طرف تالت وهون رح تصير المشكلة الكبيرة ورح يصير للشريك كل الاسباب انو يشك لانو انكذب عليه مرة وممكن ينكذب عليه مرة تانية وتالتة ورابعة ومستحيل يصير فيه ثقة مرة تانية