مابعرف شو بدي احكي
في شخص بعتلي رسالة خاصة انو شوفي شو صاير هون..... اول ماوصلت وشفت المواضيع قلت تمام في حدا رح ينقدنا ويفرجينا اخطائنا لحتى نقدر نشتغل بشكل مزبوط اكتر
بس للاسف لما قريت الموضوع شفتو عبارة عن حكي ثم حكي ثم حكي ثم صف حكي بدون اي منهجية للنقد
يعني ببساطة الناس معصبة مثلا لانو نحذفلها او انتقل الها موضوع او رد وبدها تفش خلقها حتى لو بينها وبين حالها حاسة انو الحذف او الرد اللي صار منطقي ولازم يصير بدليل ماحدا تقريبا عطى مثال واضح عن حذف ماعجبو بس الكل عم ينقو عن انو الجهاز الاداري كلو بقلب بعضو مابيسوى ...... انو الناس كلها بدها تفش خلقها فقط
والمشكلة التانية والاكبر هيي الخلط بالنقد بين المشرف او المنسق كمشرف او منسق وبين كونو عضو عادي..... يعني بدكن تحكمو انو هالمشرف او المنسق مابيحقلو يكون مشرف او منسق ببساطة لانو كتب ردود ماعجبتكن..... يعني انا بعرف النقد لاي حدا بشغلو بيكون نقد لسلوكو ضمن شغلو ومنصبو ومو نقد للاحاديث اللي بيقوم فيها على الصعيد الشخصي
بتمنى اذا بدكن اي نقد يكون لمصلحة الاخوية ومو للمصلحة الشخصية عندكن وعلى حسب اهوائكن انو تعرفو كيف تنقدو لحتى تتوقعو تجاوب
بكل الاحوال شكرا عالمحاولة
