اقتباس:
كاتب النص الأصلي : oaddah
اما مشان البعض من المشرفين ( مو الكل ) انا من وراهن لح اطفش
غير هيك صار بالفترة الاخيرة بالقسم السياسي تخبيصات وطلبنا حظر السعوديين عن المنتدى ما حدا رد
لحتى خربو المنتدى وزتو الفتن بين الاعضاء
ومن جهة تانية في ليش المشرفين هن الوحيدين يلي مسموح الن يعبرو عن رأين
كل ما واحد حط رد بموضوع ومعير عن رأيو فيه ......... تاني يوم بيلاقيه محذوف
وهالحكي صار مع الكل مو بس انا ..........
ومن جهة ثالثة..... ما بدي كفي لانو اذا حكيت شي كمان بينطمز وبينطعجح الكل
|
بتعرف أنو اليوم يمكن من أسوأ أيام اللي بتكون فيا نفسيتي بالحضيض ... يمكن من تلت سنين ما مرق عليي متل اليوم ... لهيك بدك تعذرني إذا شوي طلع هادا الرد ملخبط
أول شي بدي أبدا من الصفر
شو أخوية ؟ بتعنيلك ؟؟؟ بتعنيلكون ؟
كام مشرف ؟؟؟
بس نحس أنو أخوية بتعنيلنا عن جد منبقى ... ومنستمر ... برغم الكل ... منبقى بمحبتنا لأخوية بمواضيعنا اللي عم تغلب ...
أنو طلبتو حجب السعوديين ... طلبتو تسكير التسجيل ...
طيب؟ والمسيحية عم يطالبو يصير المنتدى مسيحي بس وهني حاسين بالعنصرية كمان ...
أخوية ما المفروض تكون لون واحد
مملة الألوان الوحدة
جمال الطبيعة بالاختلاف بألوانا ...
زاعجك شخص ... مشرف ... أيا يكن ... ما الحل أنك تترك اخوية ..
الحل تعا وقول يا جماعة هيك وهيك ... بس النق والسلبية .. نق وسلبية ما بيوصلو لمحل ...
وكل شوي حدا بيزعل
روقو