شوف اخي انا عندي مبدأ بالحياة
انو ما فينا حدا يقدر يتحكم بالصحة والمرض
وانو اهم شي في الشخص الي برتبط فيه هي اخلاقو وطباعة
وقال الرسول الكريم "إن جائكم من ترضون دينه وخلقة فزوجوه"
يعني ما جاب سيرة السلامة البدنية
إذا بأه بدك تجربة من الحياة فأنا خير من يعطيك هالتجربة
وهي تجربة شخصية ولعلي لأول مرة اذكرها بالمنتدي
انا زوجي عندو إعاقة سمعية (يعني ما يسمع ولا يتكلم)
ولكن اعجبت جدا بشخصيته المرحة والمحبة والمتفاهمة لهيك رضيت فيه وما قلك اد ايه انا مبسوطة بالعيش معو وهو حاططني في عيونو
خلينا نرجع للموضوع
يعني إذا الواحد او الواحدة اعترض على الارتباظ بشخص لمجرد انو عندو اعاقة من اي نوع
هل من الممكن ان يسيطر على حياتة هو ويؤمن لنفسه حياتة الجاية بدون اعاقات؟؟
طيب والحوادث الي بنسمع عنها كل يوم وبيروح فيها الشباب وبتتسبب لهم بأعاقات مستديمة؟؟؟
شكرا على الموضوع واعتذر عن الاطالة
