[achelious]

كاتب النص الأصلي : SaKRaN

انعما!! تعا عملي كفين شو رأيك ؟؟ اشبك مستنفر حبيبي ؟؟ اش عمبيوجعك ؟؟ اذا بدك اتناقش كلامي فناقشو باسلوب حضاري وحلو مو تعد تعملي حالك فهمان وتحكي بطريقة استفزاز !!رح اصغر عقلي ورح اجاوبك اول شي انا لما حكيت كان قصدي واضح وما وقعت بالخلط متل ما تفضلت جنابك وحكيت .. تاني شي انا وكتير شريحة كبيرة من الناس ما بتحب هل النظام الشمولي ذات الحزب الواحد المتسلط على كل شي والي بيفضل ناس على ناس واذا بدك تشوف حكي اكتر روح على السياسة او على المنبر وشوف ردود على هل الشغلات ... وبعدين انت ما بتشوف تلفزيون لك ابوي ؟؟ ما متشوف وزير الاعلام كل كم يوم عمينطنط وبيحكي نحن في سوريا ونحن في سوريا ؟!! ما بنتشوف محللين متل الصايغ ومتل الشعيبي ومتل ....... عميحكو بصيغة النحن وعميشرحو للناس انو كيف نحن عنا حرية وهل الحكي كذب وانت بتعرف هل الشي !!! وبعدين انا شو وضعي او شو اختصاصي اول شي انا مواطن عادي وبعتقد مين من كان بيقدر يحكي لو كان عامل نضافة !! ويبدي رايو الا اذا انت اتعودت على انو بس الكبار او المسؤولين او المحسوبين على النظام او على طائفة معينة يحكو !!!وانا مارح ازعل منك بالعكس انا رح ازعل عليك ...... ومرا تانية الله يرضى عليك اذا بدك اتناقش اي شي ناقشو باسلوب حضاري ,,, وياريت اذا ما عجبك كلامي وبدك اترد علي ما اترد هون مشان ما اتخرب الموضوع وعندك ايميلي وبامكانك انو اتضيفني عندك ومنحكي وقتها بشغلات كتيرة ......... يعطيك العافية على كل حال

مافي لزوم تصغر عقلك.. خيي سكران.. مشان شو!.. مشان ترد عليي.. أصلا أنا ماني بحلجة ترد عليي.. ثم مين قلك إني بعتد بآراء المنبر الحر ولا غيرو..مين خبرك هالخبرية!؟
تاني شي بيجوز انت.. وشريحة معينة..ما بتحب النظام.. بس أكيد.. أنو هالشريحة.. ما فوضتك تحكي باسما..شفت كيف.. عدت خلطت بين.. الأنا.. و النحن..
بعدين أنا شفت وزير الإعلام.. بس ما شفتو عم ينط! شفتو عم يحكي أثناء العدوان .. عن دعم سورية
للمقاومة ..شفتو عم يحكي إنو سورية ستدخل في الحرب إذا إسرائيل اقتربت من حدودها أثناء العدوان الأخير على لبنان.. شفتو عم يحكي عن مواقف إيطاليا الدعمة لسورية.. إبان زيارته لإيطالية.. شفت تطور الإعلام عنا بسورية بعهدو.. وتجلى ذلك بتغطية العدوان الأخير على لبنان.. وإلي ما شافو.. رح دلك عليه .. تحكيه بلغتك وتقله .. "العما".. رح ابعتلك إسمو برسالة ع إيميلك إذا بدك..
بقى لما كان عم يحكى بلسان "نحن".. كان عم يعبر عن شريحة أكبر من شريحتك.. وبكتيير..أصلا أنا واحد من يلي بفوضوه يحكي عنن.. هيدا غير إنو هو وزير.. متل ما تفضلت.. ووزير إعلام.. نظيف ونقي ..ما سمعنا ملاحظة غير من حضرتك بعد..
قلتلي اختصاصك مواطن عادي.. أنا أول مرة بسمع بهيك إختصاص.. على كل بدعوك تصير مواطن غير عادي.. بيشوف نص الكاسة المليان.. وبيعمل شي غير الإنتقاد.. والحكي..عن النصف الفاضي بكاسة وطنو..مو بيشربا وبيقول ما شفت شي..! قبل ما يجي وقت ما يبقى في غيرك عادي!!
أما بالنسبة للأسلوب الحضاري.. ياريت ترد فيه.. لا لشيء.. بس لحتى أتعلم .. منو
والله يعافيك..