[krimbow]

كاتب النص الأصلي : R A M I

يمكن للملحد أن ينتحر لسبب مقنع جدا ,, و هو معرفة "شو آخرتها مع العالم" يعني بمعنى آخر ليكتشف بنفسه ما هو الموت و مالذي بعد الموت ...

ممكن

ابو شريك
بيني و بينك هي شغلة الموت، هي بايد الانسان بكل لحظة، فيك بعد دقيقة تنتحر، و فيك بعد بوكرا.... يعني اوبشن مفتوح ايمت ما بدك، كل ما رح يتطلبو الامر هوي العزم على التنفيذ

خليني احكيلك شوي عن الاوبشن المفتوح
فيك باي لحظة انك تنهي عمل الموبايل يللي بايدك بانك تطبشو ع الارض و يصير 100 شقفة، هاد اوبشن مفتوح بكل لحظة، و ممكن تستفيد من هالشغلة انو تفش خلقك، او انو تشتري موبايل جديد... بس ما في شي اكيد، و بالتالي عمليا، انو يبقى الموبايل شغال بايدك، فيو افادة اكتر

فيك باي لحظة انو تآمن بوجود الخالق، و تنهي بحثك عن الحقيقة، و ممكن تستفيد من هالشغلة انو يبطلوا الناس يوجعولك راسك، او يمكن يبطل يوجعك راسك من كتر التفكير بهالشغلة مثلا... بس ما في شي اكيد، و بالتالي من عمليا.. انو تبقى ملحد فيو افادة اكتر

فيك باي لحظة انك تنهي حياتك، ممكن تستفيد من هالشغلة انو تعرف شو في بعد الموت، بس ما في شي اكيد، و بالتالي عمليا، انو تبقى عايش فيو افادة اكتر

هلأ وين الحلاوة بالموضوع، انو الموت، بعكس الايمان و تطبيش الموبايلات، شيء حتمي.. يعني ما في منو مفر
فالقاعدة الوحيدة يللي ما الها استثناء هيي انو "كل شيء له بداية، له نهاية"
طيب طالما رح يجي يوم و تموت، و تعرف (مدري لا تعرف) شو رح بيصير بعد الموت، ليش لتستعجل كتير ؟؟؟