[oliver68]

كاتب النص الأصلي : haedoora

أبو طريق الغاالي ..... أنا بفهمك وما بشك بعشقك لوطنك وباخلاصك الو
بشس اللي شريك انو المشكلة كانت بانتمائك السياسي أو شو المشكلة لتركت البلد
بعدين شريك أنا بعكس رأيك تماما انا شايف الحال بالبلد كل مانها عم تطور
هادا الشي ما بيمنع انو في تجاوزات أكيد وامور لازم تتوضح

بس يا شريك أنا مؤمن انو الرئيس بشار هو القادر على دفع البلد لعجلة التطور
طيب انت جربت تجي شريك .... يعني حاولت بشكل او بأخر تلغي النفي او من هالشي

أنا بتمنى تجي وتحكم على البلد والنظام من هون من قلب سورية العروبة
وتحياتي القلبية
ملاحظة الى المعارضين: مو هلأ تشوفوني مع النظام ومع قائد الوطن تنزلوا السلخ فيني .... ملينا من الحكي الفاضي
رجاء احترام افكار وتوجهات الآخرين ...كما الغالي أبو طريق
وشكرا

لك يستر عرضك يا زلمي، شبكن مفكريني منفي و ممنوع ادخل عسوريا؟؟؟؟!!!!!!!!!! شو بدكن تروحوني إنتو!!!!!!!!!!
يا زلمي أنا بروح و بجي عسوريا دائما و كل ما صحلي فرصة، بس عمبدرس بعمان و عشت أغلب حياتي فيها، و كل سنة إلنا نزلتين عالأقل عسوريا، بس كل ما انزل بحمد الله مليون مرة إني ماني عايش فيها، يا زلمي ولاد خالتي درسوا هندسة و ما نجحوا فيها إلا بعد ما انفتحوا و ليكن بالسعودية عميشتغلوا بالكمبيوتر و شهادتهن معلأة عالحيط، ابن خالي ما إدر يكمل دراسة و هلأ هج، والله وكيلك بسمع قصص عن شباب سوريا بتأشعر البدن يا زلمي، ولك دكتور بيرتشى !!!!!!!!!!!! العمى، والله سمعة!!!!!!!!!!!!!!!!!!!!!!! يعني يللي بينجح بدراستو لازم يكون مدعوم أو فطحل زمانو، يعني بصيم، مو شرط يكون فهمان، المهم يحفظ و بالزات القومية، الله وكيلك هون بعمان، ما دكتور بجامعة حكومية يرتشى، لتؤوم الدنيا و ما تأعد.
غير المدراس يللي بتفكرها ثكنات عسكرية أو شي معتقل، و بحكم إني عايش برات سوريا، فلازم كل سنة روح مشي وراقي بالتعليم العالي و الخارجية و التجنيد، الله وكيلك بفوت و ما بصدق إيمتا بطلع، طبعا غير الهوية يللي ضليت سنيتن عمطارد وراها لحتى طلعت، لك بشرفي بشرفي ما حدا صدقني هون بعمان لما كنت قول هويتي طلعت بسنتين !!!!!!!!!!!!

و أكيد من المبديهي إنو يكون الرجل غير المناسب في مكان حساس و مهم بالدولة، هي يا زلمي صارت ثابت وطني سوري مهم.
حبيبي بشار مستحيل يئدر يصلح فساد دام ربع قرن و عقد من الزمان في سنوات أليلة، بدو عالأقل أد يللي راحوا، يعني شو جابتلنا الحركة التصحيحية غير الفساد؟؟؟؟؟

بعدين لما إنتي فرضت -خطأ - إني ما بجي عسوريا و إلتلي تعال و شوف، يعني إزا واحد ما بيئدر يجي عسوريا، أولتك بيسترجي يجرب ينزل؟؟؟؟ المخابرات بيلئطوه من عالحدود، الله وكيلك أنا هلأ خايف ما لما انزل عسوريا يكون الفرع عميستناني
المهم يا صديقي بضل عنا الفساد مستشري للعضم، و أنا بحب بلدي للموت، و بأدر إنك لمست هالشي فيني، بس رغم هالحب بحمد ربي كل يوم إنو ما اضطريت عيش بسوريا تحت الحكم الفاسد العنصري. مع احترامي لجماعة النظام.